Itiyoophiyaan Riifoormii  biyyoolessaan Ijaarsa dhaabbilee cimaaf xiyyeeffannoo kennitee hojjechaa jirti

Sadaasa15/2018(TOI )-Itiyoophiyaan Riifoormii biyyoolessaan ijaarsa dhaabbata cimaaf  xiyyeeffannoo kennitee  Hojjechaa Jiraachuu Sadarkaa Itti Aanaa Ministira Muummeetti   Itti Gaafatamaan  Qindeessaa  Ijaarsa Sirna Dimokiraasii fi Itti Aanaan Pirezidaantii Paartii Badhaadhinaa Adam Faarah  Ibsan.
 Sadarkaa Itti Aanaa Ministira Muummeetti  Itti Gaafatamaan  Qindeessaa Ijaarsa Sirna Dimokiraasii Fi Itti Aanaan Pirezidaantii Paartii Badhaadhinaa Adam Faarah Itiyoophiyaatti Ambaasaaddera Yuunaayitid Kingidam Daren welchi waliin marii’ataniiru. 

Obbo Adam wayita sana akka jedhanitti, Itiyoophiyaa fi Yuunaayitid Kingidam   Dameelee Hawaasummaan, Dinagdeen  fi Siyaasaan  Hariiroo Cimaa bara dheeraa qabu.

Yuunaayitid Kingidam deeggartuu cimtuu misooma Itiyoophiyaa ta’uushee  eeruun,  Ajandaan misoomaa fi riifoormii akka milkaa’uuf Yuunaayitid Kingidam deeggarsa kennituuf galateeffataniiru. 

Biyyoonni kun hariiroo guddaa dameelee adda addaan qaban caalaatti akka cimuuf Paartiin Badhaadhinaa qooda irraa eegamu akka cimsu mirkaneessaniiru.

Damee Barnootaa fi Fayyaan, Obbolummaan qaban bu’aa qabeessa ta’uu eeruun, tumsi milkaa’aan kun dameelee biroon babal’isuuf kutannoo qabna jedhaniiru. 

Gaggeessummaa paartii badhaadhinaan dameelee Hawaasummaa, Diinagdee fi Siyaasaan milkaa’inoonni galmaa’uu eeruun, milkaa’inoota kana itti fufsiisuuf  hirmaannaan taassifamu cimee akka itti fufu ibsaniiru. 

Paartiin Badhaadhinaa hojii ijaarsa dhaabbileetiif xiyyeeffannoo kennuusaa eeruun  Boordiiin Filannoo Biyyoolessa Itiyoophiyaa fi Komishinii Mirga Naoomaadabalatee dhaabbanni bilasaa fi  walabaa  akka dhugoomuuf  tattaaffii taassisaa jira jedhaniiru. 

Dirree siyaasa bal’isuurratti partichi tarkaanfiiwwan gurguddoo fudhachuusaa ibsuun, misensonni paartii morkattootaa kaabinee motummaa keessatti akka hammataman  taassifamuu akka fakkeenyaatti eeraniiru. 

 Filannoon Fuulduraa Dimokiraatawaa fi Haqa qabeessa haala ta’een akka qaggeeffamuuf qophiin barbaachisaan taassifamuu eeruun, filannichi hirmaannaan ummataa kan itti mirkanaa’e  amanamaa akka ta’u  paartiin badhaadhinaa kutannoon akka hojjetu mirkaneessaniiru. 

 Itiyoophiyaatti Ambaasaaddera Yunayited Kingidamii fi  ergamaa dhaabbataa Gamtaa Afriikaa Ambaasaaddar Daaren Weelchi  Gamasaaniin , Itiyoophiyaa fi Yuunaayitid Kingidam  Hariiroo seenaa qabeessaa fi fakkeenya ta’u  kan qaban ta’uu kaasaniru.
 
Riifoormiin Diinagdee Itiyoophiyaa daandii sirriirra ta’uu eeruun, kunis sadarkaa fooyya’een  akka itti fufu nan amana jedhaniiru. 

Yunaayitid Kingiaem  hojii  ijaarsa  dhaabbilee deeggaruuf kutannoo qabaachuu  Ambaasaaddarichi mirkaneessaniiru.