Galmeen kadhimamtoota paartiilee siyaasaa filannoo waliigalaa marsaa 7ffaa irratti dorgomanii har’aa eegalee ni gaggeeffama

Sadaasa 8/2018(TOI)-Galmeen kadhimamtoota paartiilee siyaasaa filannoo  waliigalaa marsaa 7ffaa irratti dorgomanii har’aa eegalee akka gaggeeffamu boordiin filannoo Biyyoolessaa Itiyoophiyaa beeksise.

Galmeen kaadhimaamtoota dhuunfaa yeroo itti eegalu fuulduratti akka ifoomu eerameera.

Boordiin filannoo paartioilee siyaasaa filannoo walii galaaf dorgomaniif waamicha taasiseen kaadhimamtootasaanii siistama boordichi ibseen fayyadamuun akka galmeessisan waamicha dhiheessaniiru.

 Odeeffannoo barbaachisoo Galmicha raawwachuuf dandeessisan  guutuun  yeroo Sadaasa 8 hanga 23 bara 2018tti  jiru gidduutti  Waajjira  Muummee Boordichaa fi  ammaan dura paartichi  bakka bu’aa/buutuu beeksisetii qaamaan dhihaachuun  sanada akka dhiheessan  hubachiiseera.

Paartiileen siyaasaa unkawwan toora marsariitii https://nebe.org.et/en/node/725   argachuu akka  danda’an  eeraniiru.

Paartiileen siyaasaa filannoo biyyoolessaa 6ffaarratti dorgoman mallattoowwan dorgommiif fayyadaman filannoo walii galaa 7ffaaf  fayyadamuuf  mirga dursaa akka qaban boordichi ibseera.

Paartiileen siyaasaa ulaagaa seerasaa  hordofee  mallattoo dorgommii mataasaanii   dhiheessuu akka dandaa’anii fi filannoo biroon boordichatti qaamaan dhihaachuun  mallattoo dorgommii boordichi tarreesse dhiheessu keessaa filachuu akka danda’an  hubachiisaniiru.

Galmeen kaadhimamtoota dhunfaa  appilikeeshinii  boordichi dhihesseen akka raawwatuu fi  yeroo eegalu ilaalchisuun  boordichi gara fuuldutraatti akka ifoomsu beeksiseera.