Naannoo somaaleetti lammiileen kuma 340 ol waraqaa eenyummaa Dijiitaalaa faayidaa  fudhachuuf galmaa’aniiru

Sadaasa 3/2018(TOI)-Naannoo Somaaleetti galmee waraqaa eenyummaa Dijiitaalaa faayidaa dhaqqabamaa taassisuun lammiileen ijaarsa Dinagdee Dijiitaalaaf qooda mataasaanii akka bahan taassifamaa jiraachuu qindeessaan sagantaa waraqaa eenyummaa biyyoolessaa naannichaa beeksise.

Qindeessaan Sagantaa  waraqaa eenyummaa biyyoolessaan Riijinii Bahaa Naannoo Jigjigaa  Geediyoon Geetachoo TOI’f akka ibsanitti, waraqaa eenyummaa dijiitaalaa faayidaa  lammiileen tajaajila hedduu haala si’ateen akka aragatan isaan dandeessisa.

Waraqaa eenyummaa Dijiitaalaa Faayidaan ijaarsa Dinagdee dijiitaalaa Itiyoophiyaan qabatteef qooda murteessaa gumaacha jedhabniiru.

Kanaanis naannichatti fayyadamummaa waraqaa eenyummaa dijiitaalaa hawaasa naannichaa mirkaneessuun ijaarsa Dinagdee dijiitaalaan hirmaannaasaanii mirkaneessuuf  gurmaa’insootaa fayyadamuun hojjetamaa jiraachuu beeksisaniiru.

Godinaalee naannichatti argamananittii fi Aanaalee 66tti manneen Barnootaatti, Yunvarsiitotatti, Baankiiwwanitti, giddu galawwan daldalaatti akkasumas dhaabbilee mootummaa birootti galmeen gaggeeffamaa jiraachuu ibsaniiru.

Naanichatti sagantichi erga eegalee Caamsaa bara 2017 irraa eegalee hanga ammaatti  namoonni kuma 340 galma’uusaanii  eeruun, kana keessaa kuma 180 kan ta’an Aanaalee fi godinaalee magaalaa Jijjigaa ala ta’anitti  ta’uu eeraniiru.

Naannichatti hanga  waxabajjii 2018tti lammiilee miiliyoona 1 tuqaa 8 ol galmeessuuf  karoorsuu ibsuun, bara baajatichaa baatii jalqabaa qofa namoonni kuma 160  ol  galmaa’uusaanii dubbataniiru.

Hawaasichi galmee booda Itiyoo tele koomii fi  dhabbilee beekamtii qaban irraa Waraqaa eenyummaa dijiitaala fudhachuun of-eeggannoon fayyadamuu akka qaban hubachiisaniiru.