Taphni eeggamaa ture Maanchisteer siitiin liver puuliin  Injifachuun sadarkaasaa gara 2ffaatti  guddiseera

Sadaasa 1/2018(TOI)- Piriimer liigii Ingilizitti sagantaa   torban 11^ffaan Maanchisteer siitiin liver puuliin 3 fi 0 injifateera.

Tapha Halkan Istaadiyeemii  Itihaatti   gaggeeffameen  Arliing haalaandi, Zyirmii dokuu fi  Niiko gonzaalez  goolii injifannoo  lakkoofsisaniiru.

Arliingi  Haalaandi taphichaan  rukkuttaa  adabbii argatee  balleesseera.

Siitiin taphichaan  morkataasaarra   haala fooya’een carraawwan gooliif dhihaatan  uumeera.

Bu’icha hordofee Maanchisteer siitiin  liigichatti  injifannoo torbaffaa galmeessisuun qabxii 22 gara sadarkaa 2^ffaatti guddisaniiru.

Dursaa Liigichaan Arsenaal garaagarummaa qabxii qabu gara 4tti gad-buuseera.

Faallaasaan liigichatti  yeroo shan  kan Injifatame Liverpuul qabxii  18n  gara sadarkaa 8^ffaatti gad- bu’eera.

 Arliingi  Haalaand liigichatti  baay’ina  gooliiwwan lakkoofsiseen gara12tti guddisuun  galchii goolii hedduu  lakkoofsisuusaa  cimseera.

   Haaluma wal-fakkaatuun  taphoota  biroo  har’a gaggeeffamaniin  Astonviilaan  bornimawuzin  4 fi 0 yoo injifatu  Birentifordi  Niwukaastiliin yunaayitidiin, Notingihaam foresti liidsi  Yuunaayitidiin  haaluma walfakkaatuun  3 fi 1 injifateera.

Kiristaal paalas biraayiteeniin goolii malee wal-qixa adda  bahaniiru.

Piriimer liigii Ingilizitti tapha   gareewwan biyyoolessaa Idil-Addunyaan booda    torban lamaa booda  sagantaa torban 12^ffaa ni deebi’a.