Piriimer liigiin dubartootaa Itiyoophiyaa torban 5ffaan  har’a eegala

Onkoloolessa28/2018(TOI)- Piriimer Liigii dubartoota Itiyoophiyaa torban shanaffaa oolmaa guyyaa jalqabaan taphoonni sadii Istaadiyeemii Abbabaa Biqilaatti  gaggeeffamu.

Guyyaa sa’aatii 4:00 Magaalaan Dirree Dawaa Magaalaa Hawaasaa waliin taphatu.

Magaalaan Dirreedawaa liigichatti taphoota Afur gaggeesseen yeroo tokko yoo injiftu  , yeroo sadii  mo’ameera.

 Garichi qabxii sadiin  sadarkaa 10^ffaa qabateera.

Morkataansaa Magaalaan Hawaasaa taphoota 4 keessaa 3 yoo injifatu   yeroo tokko  mo’ameeera .

Magaalaan Hawaasaa qabxii sagaliin sadarkaa 2^ffaa irratti argama.

Magaalaan Finfinnee magaalaa shaggar waliin  guyyaa sa’aatii 7:00 tapha saanii gaggeessu.

Magaalaan Finfinnee qabxii 3 sadarkaa 12^ffaa, Magaalaan Shaggar qabxii 6 sadarkaa 5^ffaa qabateera.

Sagantaa guyyaa dhumaan  Kutaan Magaalaa Lidetaa  fi humni ibsaa Itiyoophiyaa guyyaa sa’aatii 9:00 waliin taphatu.

Kutaan Magaalaa Lidetaa  qabxii shaniin  sadarkaa 7^ffaa kan qabate yoo ta’u , humni ibsaa Itiyoophiyaa  qabxii  12n  liigicha dursa.

Humni ibsaa Itiyoophiyaa yoo injifate dursummaa liigichaa ni jabeessa.

Piriimeer Liigii  Dubartoota Itiyoophiyaa torban shanaffaan  hanga  Onkoloolessa 30  bara 2018 ni tura.