Hirmannaan dureeyyiin Chaayinaa zooniiwwan dinagdee addaa fi paarkiiwwan industirii keessatti qaban guddachaa dhufeera

Onkoloolessa 27/2018 (TOI)-Hirmannaan Invastimantii dureeyyiin Chaayinaa zooniiwwan dinagdee addaa fi paarkiiwwan industirii keessatti qaban guddachaa akka jiru korporeeshiniin misooma paarkiiwwan industirii beeksise.

Hojii raawwachiisaan olaanaa Korporeeshinichaa Dr. Fissahaa Yittaagasuu dureeyyii Chaayinaa damee Aluminiyeemii irratti bobba’uu barbaadan waliin mari’ataniiru.

Dureeyyiin kunneen  misooma Aluminiyeemii qabeeya guddaa gaafatu irratti bobba’uuf kan karoorsan yoo ta’u  korporeeshinichi deeggarsa barbaachisaa akka taassisu hubachiisaniiru. 

Marichi Hojii raawwachiisaa olaanaan korporeeshinichaa Dr.Fissahaa Yittaaggasuu   dabalatee  jilli Qondaaltota  hojii olaanoo Mootuummaa  dureeyyii kana waliin  torban darbe marii chaayinaatti gaggeessan irraa kan  itti fufee ta’uu   ibsaniiru.

 Hoogganaan qajeelcha Korporeet Komunikeeshinii korporeeshinii misooma paarkiiwwan Industirii obbo Phaawuloos Ballaxaa dureeyyiin biyya keessaa fi biyya alaa 200 caalan zooniiwwan dinagdee addaa Korporeeshinichi bulchu 13 fi ‘ICT’ paarkii dabalatee paarkiiwwan Industirii sadii keessatti galanii hojjechaa akka jiran TOI’f ibsaniiru.

Dureeyyii Alaa dhibbantaa 38 qabatan keessaa hedduunsaaanii Chaayinoota ta’uu eeruun,   irra caalaan uffataa fi huccuu irratti bobba’uusaanii hubachiisaniiru.

Dureeyyiin chaayinaa  filannoowwan haarawaa ilaaluun  yeroo ammaa Maandisummaa(injiinaringii) irratti bobba’uu eegaluusaanii eeraniiru.

Dureeyyiin kunneen  hirmaannaa invastimantii qabaniin olitti  dameelee adda addaarratti   bobba’uuf fedhii argisiisaa jiru jedhaniiru. 

Sirilaankaa, Jaappaan, Ameerikaa, Faransaayii fi rippuubiliikii Kooriyaan dureeyyii zoonii Diinagdee fi paarkiiwwan irratti bobba’an keessatti akka argaman eeraniiru.

Walii gala Korporeeshinichi Invastimantii Alaa humna biyyaa deeggaran hawachuuf  hojjechaa jiraachuu hubachiisaniiru.