Hidhi Haaromsaa dhiheessii humna ibsaa mirkaneessuun fooyya’insa dijiitraalayizeeshiniif   bu’aa guddaa gumaacha

Onkoloolessa 26/2018(TOI)- Hidhi Haromasa Itiyoophiyaa Guddichi dhiheessii humna  Annisaa mirkaneessuun qulqullina kenna tajaajila Dijiitaalaa fooyyessuuf qooda olaanaa akka qabu iibsameera.

Hidhi Haromasa Itiyoophiyaa Guddichi guddina hunda galeessaa fi Dinagdee gooroo fi hirmaachisummaa faayinaansii mirkaneessuuf  qooda qabaachuu ibsaniiru.

 Itiyooteeleekoomitti Ofiisarri manii Biizinasii Buruuk Adaanaa TOI’f akka ibsaniitti, Hidhi Haaromsa  Itiyoophiyaa Guddichi injifannoo Adawaa booda pirojektii fakkeenyuummaa birmadummaa Afrikaa keenyaa kan itti dabaledha.

Hidhi Haaromsaa dhiheessii Annisa Amansiisaa mirkaneessuun saffisa Dijiitaalayizeeshiniif  faayidaa qabu dabalatee guddina Dinagdee Gooroof qooda olaanaa qaba jedhaniiru. 

Hidhichi dhaqqabamummaa Annisa biyya keessa guddisuun babal’ina bu’uuraalee misoomaa fi guddina hunda galeessa hawasaaf qooda olaanaa qabaachuu dubbataniiru.

Dhiheessi Aannisaa fulla’aa qulqullina neetwoorkii mirkaneessuu fi hirmaachisummaa faayinaansii dhaqqabamaa taassisuuf qooda qabaachuu hubachiisaniiru.

Tajaajila Istaatstiiksii Itiyoophiyaatti hojii raawwachiisaan koomunikeeshinii fi Quunnamtii uummataa  Saafii Gammadii gamasaaniin, Hidhi Haaromsa guddichi Itiyoophiyaanonni waloon kan raawwanne Adawaa 2ffaa dha jedhaniiru.

Tajaajilichi biyyichatti odeeffannoo amanamaa fi wayitaawaa kan dhiheessu ta’uu eeruun, waajjiraalee dhaabbatichaa 26tti sarvisii mataasaanii kan qabanii fi  dhiheessii  annisaa guddaa kan barbaadan ta’uusaanii dubbatanmiiru.

Hidhichi dhiheessii Aannisaa fulla’aa kan mirkaneessu ta’uusaatiin tajaajilichi teekinooloojii saffisaa Fayyadamuun Sirna Istaatistiiksii Ammayyaa’aa ijaaruuf  tattaaffii eegaleef qooda qabaachuu  ibsaniiru.

Tajaajilichi Aannisaa Hidhichi Maddisiisu Teekinooloojii Dijiitalaaf fayyadamuun  qulqullina odeeffannoo walitti qabatu eeguu fi odeeffannoo walitti qabuu saffisiisuu akka dandeessisu  hubachiisaniiru.