Gaaffiin Ulaa galaanaa Argachuu wayitaawaa, yeroon kan nu dirqisiisuu fi ajandaa lammiilee hundaati–Hayyoota

Onkoloolessa 25/2018(TOI)-Gaaffiin ulaa galanaa shiraan dhabne argachuun wayitaawaa, yerichi kan gaafatuu fi Ajandaa jalqabaa lammiilee hundaati jechuun hayyoonni ibsan.

Dhimma kanarratti TOI’n Hayyoota Yuunvarsiitii Dirree Dawaa dubbiseeera.

Barsiisaa Sooshaal Antiroopooloojii gargaaraa Piroofeesaraa Tansaay Haayiluu akka jedhanitti, ulaa galaanaa shiraan dhabne gaafiin argachuuf gaafanne wayitaawaa, yeroon kan gaafatuu fi Ajandaa lammiilee hundaa adda dureeti jedhaniiru.

Biyyi keenya gaaffii ulaa galaanaa Argachuu seenaanis ta’e seera Idil-Addunyaan fudhatama kan qabuu fi gaaffii jiraachuuti kan jedha immoo  Barreessaa Ganfa Afriikaa fi Barsiisaa Saayinsii Siyaasaa fi Quunnamtii Addunyaa Waakkennee Ofkaalaa ti.

Mirga seeraa fi seenaa qabeessa  Qajeeltoo Dippiloomaasii fi  itti fayyadama waloon   argachuuf  tarkaanfii hojii mootummaan eegalee fi murtoowwan barabaachisaa ta’uu kaasaniiru.

Gargaaraan Piroofeesaraa Tansaay Haayiluu  dabaluun  akka ibsanitti, haalli Itiyoophiyaan itti ulaa galaa dhabde  yaada  tokko tokkoo Itiyoophiyaanotaa keessa kan deddeebi’u  gaaffii jireenyaa ta’uu ibsaniiru.

Carraan biyyaa gara fuulduraa guddinaa fi jiraachuu mirkaneessuuf ejjennoo mootummaa fi  daandiin itti deemaa jiru sirrii fi wayitawaa dha jedhaniiru.

Ummata miiliyoona 130 olii fi biyuya Dinagdee guddaa qabdu balballi itti cufamee  jiraachuushee itti fufsiisuun hin danda’amu kan jedhan immoo barsiisaa fi Barreessaa Ganfa Afriikaa Waakkennee Ofkaalaa ti.

Gaaffiin ulaa galaanaa  seerota Idil-Addunyaan dippiloomaasii  waloon misoomaa  galmaan ga’uuf tattaaffiin qindoominaa cimuu akka qabu eeraniiru.

 Gargaaraan Piroofeeseraa Tansaay Haayiluu Ulaan Galaanaa  gaaffii jiraachuu ta’e  milkeessuuf Itiyoophiyaanonni biyya keessaa fi biyya alaa jiran, hayyoota dabalatee itti gaafatamummaa seenaa qabu jedhaniiru.

Keessumaa guddinaa fi misooma Itiyoophiyaa kan hin feene gibtsii fi biyyoonni  ishee fakkaataniif biyyi keenya qabatamaan qajeeltoo waloon misoomuu beeksisuu fi ibsuufii  qabdi.