Piriimer Liigii Itiyoophiyaatti har’a taphoonni sadii gaggeeffamu

 Onkoloolessa19/2018(TOI)- Piriimer liigii Itiyoophiyaa  torban 2^ffaan oolmaasaa  guyyaa lamaan taphoonni  sadii ni  gaggeeffamu.

Gareen guddaattuun Nagellee Arsii Qiddus Goorgis guyyaa sa’aatii10:00 Istaadiyeemii  Magaalaa Finfinneetti taphatu.

Negellee Arsiin hanga ammaatti tapha liigichatti gaggeesseen qabxii tokkoon sadarkaa 15^ffaa qabateera.

 Liigichatti Injifataan yeroo 16^ffaa Qiddus goorgis , tapha tokko gaggeesseen  qabxii sadii fiduun sagantaa sirreeffamaa tokko  jijiiruun sadarkaa 9^ffaa   irratti argama.

Gareen Magaalaan Hawaasaa, walaayittaa Diichaa waliin guyyaa sa’atii 9:00 Istaadiyeemii Hawaasaatti taphasaanii gaggeessu.

Magaalaan Hawaasaa qabxii sadiin sadarkaa 8^ffaa, walaayittaa diichaan qabxii tokko malee  sadarkaa dhumaa 20^ffaarra taa’eera.

Faasil kanamaan, Buna Sidaamaa waliin Istaadiyeemii Yuunvarsiitii Hawaasaatti   Galgala sa’aatii 12:00 ni taphatu

  Faasil kanamaan qabxii 4n sadarkaa 4^ffaa, Bunni Sidaamaa qabxii 6n sadarkaa 3^ffaa qabateera.

Bunni Sidaamaa yoo Injifate  dursummaa liigichaa irra deebiin fudhata.  

Madin Itiyoophiyaan   Magaalaa Shaggar waliin  Tapha torban 3^ffaa  gaggeessuuf turan  Madin Shaampiyoonsi liigii kaafitti  Piraamidis waliin sababa tapha irra deebii  marsaa lammaffaa taassisuun  yeroo hin murtoofneef  dheerachuusaa  Waldaan Aksiiyoona Liigichaa Beeksiseera.