Daandiin kiiloomeetirii kuma 26 fi 500 mootummaa federaalaan qofa ijaaramaa jira-  Ministira Muummee Dr.Abiyyi Ahimad

Onkoloolessa 18/2018(TOI)-Daandiin kiiloomeetiriii kuma 26 fi 500 Mootummaa Feederaalaa qofaan ijaaramaa  jiraachuu Ministirrri Muummee Dr. Abiyyi Ahimad ibsa.

Manni maree bakka bu’oota  ummataa  bara  hojii  waggaa 5ffaa Yaa’ii Idilee 2ffaa kan gaggeesse yoo ta’u Ministirrri Muummee Dr. Abiyyi Ahimad gaaffii  fi yaadawwan Miseensota Mana Maree bakka bu’oota uummataarra ka’aniif deebii fi ibsa kennaa jiru.

Ministirrri Muummee  hordoffii pirojektii ilalchisuun ibsa kennaniin, Itiyoophiyaa keessa pirojektoonni daandii 346 ijaarsarra jiraachuu eeruun daandiin kiiloomeetirii kuma 26fi 500 Mootummaa Federaalan qofaan ijaaramaa jira jedhaniiru.

Pirojektoota kana hunda haala walfakkaatuun hordofuun hojii baay’ee rakkisaa ta’uu eeruun,   hidha ilaalchisuun  baasii birrii  biiliyoona 200 oliin pirojektoonni hidhaa gidduu galeessaa fi  xiqqaan akka jiran ibsaniiru.

 Mootummaan humna raawwachiisummaasaa guddisuun pirojektoota xumuruuf hojjechaa jira jechuun dubbataniiru.

Gargaaramuurraa adda bahu ilaalchisee gargaaramuun kaansarii humna hojjechuu nyaatudha jedhaniiru.

Sagantaa maaddii guutuu, hojii fuduraa fi Qamadii,  kan hojjennu  kutannoo gargaaramummaarraa bahuuf qabnudha  kan jedhan yoo ta’u  kanaafis  cichinee gargaaramuun nu gaha  jechuu qabna jedhaniiru.

Haata’u malee ni dandeenya kan jedhan Ministirri Muummee kun, gargaarsi dubbii hedduu  of keessaa qaba, Itiyoophiyaa kadhattuu taassisuun dhaabbachuu qaba jedhan ibsasaaniin.

 

Guddina Dinagdee Itiyoophiyaa ilaalchisuun jijiiramni yaadama ilaalchaa Itiyoophiyaatti dhufe milkaa’inoota hedduu fideera jedhaniiru.

 

Itiyoophiyaan A.L.A bara 2032 Afriikaarraa 2ffaa bara 2036tti immoo Dinagdee Afriikaarraa 1ffaa akka ijaartu shakkii hin qabu jechuun ibsaniiru.

#Tajaajila Oduu Itiyoophiyaa  

#TOI