Maddi anniisaa Koyishaa anniisaa walii gala Itiyoophiyaa irratti jijjiirama qabatamaa kan fidudha

Onkoloolessa 17/2018(TOI)-Maddi Anniisaa Koyishaa meeggaa waattii 1800 maddisiisuuf humna kan qabu fedhii anniisaa walii gala Itiyoophiyaa irratti jijiirama hiika qabu kan fidu ta’uu  wajjiri  Ministira Muummee ibse.

Pirojektichi fedhii Annisaa Itiyoophiyaatti dabalaa dhufe deebii kennuuf  haala dandeessisuun  waggaatti humna ibsaa  giiggaa waattii  6,344 maddisiisa jechuun beeksisaniiru.

Waajjirichi ergaa Fuula miidiyaa hawaasaan dabarseen Pirojektichi Naannoo Kibba Lixa Itiyoophiyaatti  Suluula Laga Oomoo   gara gadiitti Madda Annisaa Gibee 3ffaa irraa fageenya KM 129  fageenya dhihoo mandara koyishaatti argama jedhaniiru.

Maddi Anniisa Kooyishaa  Annisaa Meeggaa waattii 1800 maddisiisuu danda’u annisaa Itiyoophiyaarratti  jijiirama hiika qabu fida jechuun  ibsaniiru.

Pirojektiin madda Aannisaa Koyishaa Babal’ina madda aannisaarra darbee Anisaa qulqulluu, Amansiisaa fi Annisaa humna fayyadamtoota tilmaama keessa galche dhiheessu, fedhii guddaa Itiyoophiyaan Afriikaa Bahaatti jiddugala daldala alaa elektiriikii ta’uuf qabdu milkeessuuf kan deeggarudha jedheera.

Biyya keessatti  dhiheessii elektiriikaa  baadiya haala deeggaruun  mana jireenyaa fi  hojii daldala gidduugaleessaatti  dhiheessii elektiriikaa guddisa jedheera.

Kunis jireenya Hawaasummaa fi diinagdee  kan dadammaksu, haala jireenyaa fooyy’aa kan uumu  akkasumas hawaasa naannichaa guddina fulla’aa  akka deeggaru ni eeggama jechuun beeksiseera.