Mootummaan Bulchiinsa Fiisikaalaa cimsuuf qabeenya biyya keessaa walitti qabuu  dagaagsuu fi hojiilee caasaa  riifoormii  furtuu saffisisuuf murannoo qaba -Obbo Ahimad Shidee

Onkoloolessa13/2018(TOI)-Mootummaan Itiyoophiyaa  Bulchiinsa Fiisikaalaa cimsuuf  dandeettii qabeenya biyya keessaa walitti qabuu cimsuu fi caasaa riifoormii murteessoo  saffisisuuf murannoo qabaachuu Ministirri  Maallaqaa Obbo Ahimad Shideeibsan.

Jilli Qondaaltota Mootummaa olaanoo Obbo Ahinmad Shideen durfamu Adeemsa Riifoormii Diinagdee fi Hoggantoota  Dhaabbata Maallaqaa Addunyaa waliin hariiroo fuulduraa qaban ilaalchisee  Daayrektara olaantuu Dhaabbata Maallaqaa Addunyaa  (IMF) Kiristaaliinaa Joorjiyeevaa  fi Hoggantoota Dippaartimantii Afrikaa waliin marii’ataniiru.

Marichi  A.L.A Oktoobearii 2025 walga’ii wagga garee Baankii Addunyaa fi  dhaabbata Maallaqa Addunyaa  (IMF) cinaatti  kan gaggeeffame yoo ta’u riifoormii diinagdee itiyoophiyaatti gaggeefamaa jiruu fi tumsa gara fuuladuraa irratti kan xiyyeffatedha.

Jilli Itiyoophiyaa Ministira Maallaqaa Ahimad shideen durfamu  Bulchaa Baankii Biyyoooessaa Itiyoophiyaa Dr. Iyoob Takkaallany,Gorsaa olaanaa Dinagdee gooroo Ministira Muummee Dr. Abiyyi Ahimad Takilawaldi Axinaafuu, akkasumsa  Amerikaatti ergamaa addaa Itiyoophiyaa fi Ambaasaaddara guutuu Itiyoophiyaa Binnaalfi Andu’aalemii fi  qondaaltonni hojii olaanoo biroo kan hammatedha.

Obbo Ahimad Shideen IMF deeggarsa Itiyoophiyaaf taasisaa jiruuf galateeffachuun, Mootummaan Bulchiinsa Fiisikaalaa cimsuuf qabeenya biyya keessaa walitti qabuu guddisuu fi hojiilee caasaa riifoormii murteessoo saffisisuuf murannoo qabaachuu cimsanii ibsaniiru.

Itiyoophiyaan  hariiroo yeroo dheeraa  (IMF) waliin qabduuf  Xiyyeeffannoo guddaa kenniti kan jedhan  Minsistirichi,  Tasgabbii Dinagdee Gooroof, Carraa hojii uumuu fi  jireenya lammiilee fooyyessuurratti  hojii riifoormii  hojjetamaa jiraachuu  hubachiisaniiruu.

Deeggarsi Teeknikaa fi maallaqaa Dhaabbata  Maallaqa Addunyaa (IMF) kaayyoowwan kana milkeessuuf  gargaarota ta’anii akka itti fufuaniif Ministirichi ibsaniiru.

Hammattoowwan Diinagdee gaggeeffamaa  jiru keessaa tarkaanfiiwwan qaama eegumsa hawaasummaa bal’aa ta’uun  ilaalcha Dinagdee Itiyoophiyaa  gaarii  fi baasiin Hawaasummaa Mootummaa  dabaluu ilaalchisee  daariktara olaantuu kanaaf ibsa kennaniiru.

Tattaaffii  imala  Jijjiirama Itiyoophiyaa fi  milkaa’inoota guddisuun  ka’umsa milkaa’inaa kan ta’an dhimmoota murteessoo hedduu  Obbo Ahimad Shidee kan ibsan yoo ta’u, hojiiwwan milkaa’ina kanaas ibsaniiru.

Itiyoophiyaan Ajandaa Jijiirama Haala qilleensaa caalaatti tarkaanfachiisuuf  jijjiirama hala qilleensa dandamachuu fi fulla’aaf (Resilience and Sustainability Facility (RSF) argachuuf fedhii olaanaa qabdu  cimsanii kaasaniiru.

Haala bulchiinsa Idaa fi liqaa daldalaa waliin  bulchiinsa  qabannaa idaa  ilaalchisee hoggantoota Hojii IMF  ibsa wayitaawaa kan kennan immoo  Bulchaa Baankii biyyoolessaa Itiyoophiyaa Dr.Iyoob Takkaallanyi.

Guddinni  hanga ammaati argamee kan jajjabeeffamu  ta’uu  ibsuun adeemsa kana keessatti barbaachisummaa  deeggarsa  fulla’aa IMF  ilaalchisuun cimsanii  ibsaniiru. 

Daarektarri Olaanan Dhaabbata Maallaqa Adduyaa Kiristaaliinaa Joorjiyeevaa  gamasaaniin  Qonaaltonni Hojii olaanoon Itiyoophiyaa Sagantaa Riifoormii IMF taassifamuu fi raawwii cimaa galateeffachuun dinqisiifataniiru.

Itiyoophiyaatti milkaa’inoota Riifoormii gurguddoof beekamtii kennuun, guddinni Dinagdee cimaan galmaa’uusaa,  qaala’insi gatii xiqqaachaa jiraachuu eeraniiru.

Humna Dinagdee hunda galeessa Itiyoophiyaa cimsuuf hojii riifoormii mootummaan eegale    cimsee akka itti fufuuf hirmaannaan damee dhuunfaa akka cimuuf daarektarri olaantuun kun  akka jajjabeessan ibsaniiru.

Jijiirama Dinagdee Itiyoophiyaa fi tattaaffii fulla’aa Sirreeffama Idaa deeggartoota misoomaa gurguddoo waliin dhiheenyatti deeggaruuf dhaabbanni maaggaqa Addunyaa kutannoo qabaachuu  mirkaneessaniiru.