Naannoo Harariitti hojiiwwan Fayyadamummaa hawaasaa mirkaneessan cimsuun itti fufiisuu qabna

Onkoloolessa 11/2018(TOI)-Naannoo Harariitti hojiiwwan Fayyadamummaa hawaasaa  mirkaneessaa jiran qindoominaan cimsuun itti fufiisuu qabna jechuun  ibsan Bulchaan Naannichaa Ordiin Badrii. 

Koreen raawwachiiftuu naannichaa waltajjii gamaggama raawwii hojii  kurmaana 1ffaa bara 2018 gaggeesaa jiru.

Waltajjicha kan saaqan Bulchan Naannichaa Ordiin Badrii akka jedhanitti, naannichatti baatiiwwan sadan darbanitti damee hundaan bu’aan jajjabeessan galmaa’eera.

Keessumaa hojiin misooma fayyadamummaa Jiraattota Magaalaa fi baaddiyaa mirkaneessan  bal’inaan raawatamuusaanii dubbataniiru.

Bu’aawwan kana caalaatti itti fufusiisuuf hojii qindoominaa cimsuun itti fufsiisuu qabna kan jedhan bulchaan kun, kanaafis  waltajjiin  gamaggamaa murteesa ta’uu dubbataniiru.

“Waltajjichi hojiiwwan jajjabeefaman cimsanii itti fuufsiisuu fi hanqinoota argaman immoo  furuuf caarraa uuma ” jedhaniiru.

Dhaabbileen hojii hojjetaniin hawaasicha hagam fayyadamoo taassisaniiru kan jedhu  gamaggamichaan dhimma xiyyeeffannoon addaa itti kennamu ta’uu eeraniiru.

Waltajjii gamaggamaa Kanaarratti baajata naanichaa kan kurmaana jalqabaa bara 2018   baajata  pirojektii kaappitaalaa, faayinaansii fi raawwii hojii biroo gabaasni agarsiisu   dhihaatee mariin ni gaggeeffama jedhamee eeggama.

Waltajjii gamaggamaa kanarratti  hoggantoonni Nannoo irraa hanga Aanaa Jiranii fi ogeeyyiin hirmaachaa jiru.