Riijinichatti godaansa idilee hin taane ittisuuf hojmaatni qindoominaa eegalaman cimanii itti fufu- IGAD  

Onkoloolessa 10/2018(TOI)-IGAD Godaansa al-idilee riijinichatti mul’atu ittisuuf deebii qaamolee qooda fudhattootaa waliin qindoominaan eegale cimsee akka  itti fufu  beeksise.

Walgahiin Ministeerotaa IGAD 3ffaan Hojjetaa, hojii fi godaansa hojjetaa sadaffaan har’a Keeniyaa Naayroobiitti eegalameera.  

Walgahiin kun mata duree “Badhaadhina riijinichaa karaa IGAD mirkaneessuuf hammattoo seeraa godaansa hojjetaa fi deddeebi’uu namoota fooyyessuu” jedhuun gaggeeffamaa jira.

Waltjjicharratti Hojjettoonni Miseensa biyyoota IGAD, Ministiroonni dhimma biyya keessaa fi  alaa, Ogeeyyiin, dhabbaata godaantota Idil-Addunyaa (ILO), dhaabbanni godaantotaa idil addunyaa (IOM), gamtaan Awurooppaa fi deeggartoonni misoomaa argamaniiru.

 Haala yeroo hojjetaa, hojii fi godaansa hojjettootaa Riijinii IGAD jiru,  godaansa al-idilee toora galaana diimaa ittisuun haala danda’amurratti nimari’atama.

Lammiileen riijinii IGAD ala jiran inisheetiiviin viizaa seensa viizaa baaqqeen biyyoota miseensaa daawwachuuf isaan dandeessisu wal gahicharratti ni ifooma.

Aniveeshinichi  walitti hidhaminsa  Dinagdee Riijinii fi  Daldala daangaa ce’aa  saffisiisuu  akkasumas Tuurizimii guddisuuf faayidaa qabaachuu  odeeffaannoo TOI’n   IGAD  irraa argate ni mul’isa. 

Gamtaa Awurooppaatti deeggarsi faayinaansii  kan hojiirra oolu  hammattoon seeraa bilisaa namaa fi loonii boqonnaa lammaffaan ifa ta’a .

Hammattoon kun godaansa seera qabeessa cimsuu fi galma walitti hidhaminsa riijinii seera qabeessa mikleessuuf  kan karoorfate ta’uu  hubachiisaniiru.

Walitti hidhanminsa Daddabarsa namaa seeraan Alaa kukkutuu,nageenya lammiilee  godaansaan biyyoota biroo jiraniif haala mijataa uumuurratti ni marii’atama.  

Dhuma marichaarrtti biyyoonni waloon ibsa akka baasan kan eegamu yoo ta’u, godaansa nageenyisaa eegame, sirna bulchiinsa hojjetaa cimaa uumuu fi  daddabarsa namaaf deebii qindaa’aa  Riijinii  kennuurratti  kutannoo waloosaanii akka ibsan eerameera.

IGAD Godaansa riijinichatti  sirnaawaa hin taane argame ittisuuf  hojii waloo qooda fudhattoota waliin  eegale cimsee akka itti fufu hubachiiseera.

 Lammiileen filannoowwan seeraa akka hordofanii fi qormaata  Dinagdee dabalatee  sababawwan biroof furmaata waaraa kennuuf  hojjetamaa jiraachuu  ibsaniiru.