Gaaffiiwwan Misoomaa fi  Bulchiinsa gaarii Uummataa guddachaa jiru sadarkaa sadarkaan furuuf kutannoon ni hojjenna - Kantiibaa Adaanech  Abeebee

Onkoloolessa 10/2018(TOI)- Gaaffiiwwan Misoomaa fi Bulchiinsa gaarii uummataa guddachaa dhufe sadarkaa sadarkaan furuuf kutannoon hojjenna jechuun  ibsan Kantiibaan Bulchiinsa Magaalaa Finfinnee  Adaanech Abeebee.

Kantiibaa Adaanech Kana kan jedhan wayita kallattii hojii gamaaggama raawwii hojii kurmaana tokkoffaa Bulchiinsa Magaalichaan kennanidha.

Hoggantoonni sadarkaa sadrakaan jiran saffisaa fi xiyyeeffannoo  kana duraa caalaa   ergama itti kenname  sirnaan  akka bahan hubachiisaniiru.

Boqonnaa qophii karooraarratti yeroon qisaasamuu akka hin jiraanne taassisuun  hoggansi hundi gara sochii hojii qabatamaatti galuun bu’aa galmeessise caalaatti cimsuu akka qabu gaafataniiru.

Hoggansi ergama itti kenname bu’aa qabeessaan ba’uun gahumsaan raawwachuurratti xiyyeeffachuu akka qabu eeraniiru.

Hoggansi  walirraa  barachaa  galma waloosaa  milkeessuuf tumsuu akka  qabu  eeraniiru.

Bulchiinsi Magaalichaa  hojiiwwan hawaasa fayyadamoo taassisanii fi jijjiirama bu’uura  fidan qabatamaan hojjetee argisiisuu isaa ibsaniiru.

Bulchiinsi Magaalichaa Pirojektoorta namarratti xiyyeeffatan humna yeroo gabaabaa keessatti raawwachuusaanii yerootii yerootti daggaagsaa dhufuusa mirkaneessuun, cimina kaana caalmaatti akka itti fufu mirkaneessaniiru.

Bara kanas fedhiiwwan misoomaa guddachaa jiran sadarkaa sadarkaan guutuuf xiyyeeffannoon akka hojjetamu eeraniiru.

Gaaffiiwwan Bulchiinsa gaarii saffisaa fi bu’uurarraa furuuf hoggansi kan gahoome ta’uun akka isarraa  eegamu  kaasuun, leenjiiwwan ijaarsa gahumsaa cimee  akka itti fufu  ibsaniiru.