Cheelsiin Notingiham Foresti mo’achuun sadarkaasaa fooyyesse

Onkoloolessa  8/2018 (TOI)- Tapha jalqabaa turban saddettaffaa Piriimiyeer Liigii Ingiliziin Cheelsiin Notingiham Forestiin  3 fi 0’n  mo’ateera.

Tapha Siitii Giraawunditti gaggeeffameen Joosh Acheempoong, Peedrii Neetoo fi Riis Jeemsi goolii Cheelsiin ittiin mo’ate galchaniiru.

Taphataan garee Cheelsii Maaloo Gustoo daqiiqaa 87ffaarratti kaardii keelloo lama arguun Kaardii diimaan taphaa ala ta’eera.

Tapha Liigii Kanaan yeroo afraffaaf kan mo’ate Cheelsiin qabxii 14’n sadarkaasaa gara afraffaatti guddiseera.

Gama biraatiin bara dorgommii kana yeroo shanaffaaf kan mo’ame Notingihaam Foresti qabxii shaniin sadarkaa 17rratti argama.