Tajaajila tola ooltummaa Aadaa godhachuun  Harka Qal’eeyyii deeggaruu fi  hojiin jireenyasanii jijjiiruu bakkeewwan hundatti itti fufa-Ministira Dr. Alamuu simee

Onkoloolessa 7/2018(TOI)-Tajaajila tola Ooltummaa Aadaa godhachuun harka qal’eeyyii deeggaruu fi hojiin jireenyasaanii jijiiruu bakkeewwan hundatti kan itti fufu ta’uu Miistirri Geejibaa fi LoojistiksiiDr.Alamuu Simee ibsan.

Paartii Badhaadhinaatti gurmaa’insa Dhaabbilee Federaalaa kilaastera badhaadhina Dinagdee, bulchiinsa Diree Dawaatti, tajaajila tola ooltummaa Gannaan manneen Ijaarsise fayyadamtootaaf dabarsee kenneera.

Sirna wal harkaa fuudhinsaa kanarratti kan argaman gurmaa’insa dhaabbilee federaalaatti gaggeessaan kilaastera badhaahina Dinagdee fi Miistirri Geejibaa fi Loojistiksii Dr.Alamuu Simee, Waggoottan torban darban mootummaan badhaadhina hunda galeessa mirkaneessuuf xiyyeeffannoon hojjechaa jiraachuu ibsaniiru.

Keessumaa  hojii tola ooltummaa Gannaa fi bona hojjetamaa jiraniin wal gagaaruu fi   walooma cimsuurra darbee rakkoo hawaasummaa uummataa furaa jiraachuusaanii dubbataniiru.

Bu’aawwan kana  itti fufsiisuun Itiyoophiyaanota hunda  aadaa  wal deeggaruu dagaagsuu akka qabnu  hubachiisaniiru.

 Guyyaa har’aa Diree Dawaatti Tajaajila tola ooltummaa Gannaan manneen  ijaaraman  jireenya maatii harka qal’eeyyii fi  manguddootaa fooyyessuuf  kan dandeessisanidha jedhaniiru.

Tajaajila tola ooltummaa Aadaa godhachuun  harka qal’eeyyii deeggaruu fi  hojii jireenya saanii fooyyessuu bakkeewwan hundatti  itti fufa jechuun mirkaneessaniiru.

Itti Aanaan Kantiibaa Bulchiinsa Magaalaa Diree Dawaa  Harbii Buh  gamasaaniin Dhaabbilee Federaalaa kilaastaricha jala  jiran tajaajila tola ooltummaa Dirree Dawaatti raawwatan  galateeffataniiru.

Bulchiinsichatti tajaajila tola ooltummaa bara 2017n Manneen Haarawaan 291 kan ijaaraman yoo ta’u, Manneen 281 immoo Haaromsuun jireenyaa fi haala jireenyaa maatii harka qal’eeyyii  jijiiruuf tattaaffiin taassifameera jedhaniiru.

Baatiiwwan bonaa fuulduratti hawaasa hirmaachisuun bu’aawwan fooya’aa galmeessisuuf  ammumaan sochii eegaluusaanii eeraniiru.

Bulchiinsichattii tajaajila tola ooltummaa Gannaan dameewwan hojii adda addaan  jiraattota hedduu  fayyadamoo taassisan raawwatamuu isaanii kan  ibsan immoo Bulchiinsa Diree Dawaatti Komishinara Komishinii Ispoortii Kaaliid Mahaammaddi.

 Tajaajila Tola ooltummaa Gannaan tola ooltonni kuma 90 ol hirmaachuusaanii ibsaniiru.