Tumsi Itiyoophiyaanotaa Samii Guubaa jalatti Hidha Haaromsa Guddichaa Itiyoophiyaa fi  Haroo Nigaat dhugoomsuu dandeessiseera- Dr. Injiinar Habtaamuu Ittafaa 

Onkoloolessa 4/2018(TOI)-Tumsi Itiyoophiyaanotaa Samii Guubaa jalatti Hidha haaromsa Guddichaa Itiyoophiyaa  fi  Haroo Nigaat  dhalootaaf darbu dhugoomsuu danda’uu  Ministirri Bishanii fi  Inarjii Dr. Injiinar Habtaamuu Ittafaa ibsan.

Waltajjiin maree jalqabsiisa qu’nnoo wixinee maastar pilaanii haroo Nigaat-hidha haaromsaa Itiyoophiyaa magaalaa Bishooftuutti gaggeeffamaa jira.

 Ministirri Bishanii fi Inarjii Dr. Injiinar Habtaamuu Ittafaa Ashaaraa seenaa dhalootaaf  darbu  kaa’uuf  waliinii fi wal-tumsan hojjechuun  carroomuudha jedhaniiru.

Itiyoophiyaanonni Humna Qindoomeen Hidha Haaromsaa Itiyoophiyaa  Guddicha samii guubaa jalatti  ijaaruun hojii misoomaa guddaa dhalootaa dhalootatti darbu  milkeessuusaanii ibsaniiru.

 Milkaa’inni Hidha Haaromsaa lammiileen dhiheessii anniisaa akka argatanii fi addaan ciccitinsa humnaa hir’isuuf qooda furtuu bahaa  jiraachuu  dubbataniiru.

Haroo namtolchee Hidhichaa kan ta’e Haroon Nigaat  km. 240  kan dheeratuu fi  bishaan meetir kuubii biiliyoona 74 olta’u Itiyoophiyaanotaaf faayidaa qabaachuusaa ibsaniiru.

Haroo Nigaat karaa gurmaa’ee fi master pilaanii of danda’een  gaggeessuuf qophiin  dandeessisu taassifamaa jiraachuu kaasuun, kunis haroon kun eegamee dhalootaa dhalotatti darbuu fi  lammiileen bu’aasaarraa akka  qooddatan  kan dandeessisudha jedhaniiru.

Wixineen  maastar pilaanii Haroo Nigaat-hidha Misooma Qurxummiin, Bulchiinsa Bishaaniin, Turiizimii fi Sirna bulchiinsa bu’aa qabeessa diriirsuuf  akka dandeessisu ibsaniiru.

Fedhiin Itiyoophiyaa Fayyadamoo misooma Waloo mirkaneessuu  ta’uu eeruun,  Hidhi Haaromsaa fayyadamumma waloo  kan mirkaneessu ta’uu  hubachiisaniiru.

Waltajjii Marii Karoora Bulchiinsa Maaster Pilaanii Nigaat irratti  Itti Aanaan  Bulchaa Naannoo Benishaangul Gumuz Geetahuun Abdiisaa, Miseensota mana maree bakka bu’oota Uummataa fi keessummoonni affeeraman hirmaataniiru.