Qoodni Misoomni koriidaraa lammiileef hojii uumuun tuurizimii dadammaqsuu fi mala jireenyaa fooyyessuun bahachaa jiru olaanaadha- Ministira Muummee Dr. Abiyyi Ahimad

Fulbaana 22/2018(TOI)-Qoodni Misoomni koriidaraa lammiileef hojii uumuun tuurizimii dadammaqsuu fi mala jireenyaa fooyyessuun bahachaa jiru olaanaa ta’uu Ministirri Muummee Dr. Abiyyi Ahimad ibsan.

Ministirri Muummee Dr. Abiyyi Ahimad Hojii misoomaa magaala Jigjigaa daawwataniiru.

Ministiri Muummee daawwannicha horofuun ibsa kennaniin yeroo dhihootti  Jigjigaa Daawwatanii akka ture  yaadachuun Jigjigaa amma argine Kanaan dura kan arginerraa baay’ee addadha jedhaniiru.

Magaalichatti daandii keessoo kiilomeetirii 60, daandii miilaa kiloo meetira 10  daandii bishkileetii kilomeetirii 10  akkasumas manneen harawaan kumatamaan lakkaa’aman  ijaaramanii arguusaanii beeksisaniiru.

Akkasumas Magaalichatti bu’uuraaleen misoomaa ibsaa babal’achuu fi  waggoottan muraasa darban fayyadamtoonni ibsaa dachaa afuriin guddachuu eeraniiru.

Misoomni Koriidaraa lammiileef carraa hojii uumuun Industirii Aara maleessa  dadammaqsuun mala jireenya namootaa  fooyyessuuf qoodni bahachaa jiru olaanaa dha jechuun ibsaniiru.

Jijiiramni Jigjigaatti argine kutaa baha biyya keenyaatti  hojii  abdii guddaa namaaf kennu dha kan jedhan Ministirri Muummee,  waggoottan 15 yookiin  20 booda hawaasni hedduun magaala  waan jiraatuuf hojiin magaala miidhagsuu barbaachisadha jedhaniiru.

Magaala yeroo ammayyeessinu ijoollee keenyaaf  kan mijatuu fi  kan madaalu hojjechaa jirra kan jedhan Ministirri Muummee, magaala karooraan hojjechuun akka barbaachisu  hubachiisaniiru.

Magaalonni Pilaaniin hojjetamuu dhabuunsaanii madda rakkoo ta’uusaanii kaasuun, magaalaan kan barbaachisu tajaajila si’ataaf ta’uu ibsaniiru.

Hojiin Jigjigaa, Hararii fi  Direedawaatti hojjetame  kan argisiisu namoonni gara magaala tokkootii godaanuurra naannoosaaniitti aadaasaanii fi  hundeeffama magaalaa haala  tessuma lafasaanii  gidduugaleeffate  hordofatee , amala magaala tokkotti walitti qabamuu   kan hir’isu ta’uu eeraniiru.

Nuuf kan  wayyu  kan nu barbaachisuu fi  kan nufayyadu kan beeknu nuyi jechuun ibsanii, hojichi cimee akka itti fufuuf  mirkaneessaniiru.