Waloomni Hidha Haaromsaa irratti mul’ate hojiiwwan misooma biyyaa biroorratti cimee ittifufuu qaba-Ministira Muummee Duraanii Haayilamaaariyaam Dassaaleny - ENA Afaan Oromoo
Waloomni Hidha Haaromsaa irratti mul’ate hojiiwwan misooma biyyaa biroorratti cimee ittifufuu qaba-Ministira Muummee Duraanii Haayilamaaariyaam Dassaaleny
Qaammee 4/2017(TOI)-Tokkummaa fi tumsi Ijaarsa Hidha Haaromsaa Itiyoophiyaa guddicha rratti argame Hojiiwwan Misooma Biyyoolessaa Biroorratti cimee Ittifufuu qaba jechuun Ministirri Muummee Duraanii Haayilamaariyaam Dassaaleny ibsan.
Maallaqaa, copha Dafqaa fi Dhiiga Itiyoophiyaanotan kan dhugoome Hidhi Haaromsa Itiyoophiyaa guddichi xumuramee har’a ministira Muumee Dr.Abiyyi Ahimadiin eebbifameera.
Sirna Eebbaa Kanarratti kan argaman Ministirri Muummee duraanii Haayilamaariyaam Dassaaleeny uummata Itiyoophiyatiif ergaa baga gammaddanii dabarsaniiru.
Hidhi Haaromsa Itiyoophiyaa guddichi xumuramee eebbaaf gahuusaan gammachuu isaanitti dhagahame ibsanii, tokkummaa fi tumsi ijaarsa hidha haaromsaarratti argame hojiiwwan misooma biyyoolessaa biroorratti cimee itti fufuu akka qabu eeraniiiru.