Sagantaan Piriimerliigiin Ingiliz Torbaan 3ffaan taphoota har’a gaggeeffamaniin eegala.

Hagayya 24/2017(TOI)-Tapha Piriimer liigii Ingiliz torbaan 3ffaa  oolmaa guyyaa jalqabaan  taphoonni ja’a nigaggeeffamu.  

Kilaboonni Landan Chelsii fi Fulhaam guyyaa sa’aatii 8: 30tti Istaadiyeemii Istaamford biriijtti  Taphatu.

Taphoota lamaaniin qabxii 4 kan argate Chelsiin qabxii afuriin sadarkaa 4ffaa qabateera.  

Faallaa Kanaan Tapha liigichaa lama gaggeessee qabxii lama qofa kan argate  Fulhaam sadarkaa 13ffaa irra jira.

Sagantaawwan biroon liigichaan jalqabbii gaarii kan hin agarsiifne Maanchestar Yuunayitid  Bernileey waliin guyyaa sa’aatii 11:00 nitaphata. 

Maanchestar Yuunayitid qabxii tokkoon sadarkaa 16ffaa kan qabate yoo ta’u, guddattuu haaraan Bernileey qabxii sadiin sadarkaa 11ffaa irratti aragama.

liigichatti Yuunaayitid injifannoosaa jalqabaa argachuuf  taphata.

Liigichatti Sadarkaa 2ffaa irratti kan argamu Totenihaam hotispersi, Bornimaawuz waliin, wolverhampiten, wondirersi evertenii fi Senderlandi  Birentifordi, waliin haaluma wal fakkaatuun  guyya sa’aatii 11tti  nitaphata.

Liidsi Yuunayitid Niwukaastil Yuunaayitid  waliin galgala sa’aatii 1 :30tti  taphata.