Godina Shawaa Lixaatti tajaajilli tola ooltummaa cimee ittifufeera

Hagayya 23/2017(TOI)-Naannoo Oromiyaa godina Shawaa lixaatti tajaajilli tola ooltummaa bifa garagaraan cimee ittifufuusa itti aanaa bulchaan godinichaa obbo Abbabaa Camadaa ibsan.

Itti aanaa bulchaa godinichaa dabalatee hooggantoonni godinichaa biroon bakka argamanitti aanaa Dandii Hoospitaala Giinciitii sagantaa dhiiga arjoomuu gaggeeffameera.

Itti aanaa bulchaa godinichaa obbo Abbabaa Camadaa wayita kana akka dubbatanitti tajaajilli tola ooltummaa gannaa godinicha bakka hundatti cimee ittifufeera.

Dargaggoonni tajaajila kanarratti adda durummaan hiraachaa akka jiran eeraniiru.

Hojii baruu fi barsiisuu mijeessuuf ijaarsi mana barumsaa idileen duraa akkasumas manni barsiisotaa dabalataa hojjetamaa akka jiru ibsaniiru.

Dadhaboota hojii qonnaan gargaaruu, ijaarsii fi haaromsi mana harka qalleeyyii, dhiiga arjoomuu fi dameelee misoomaa birootiin hojjetamaa jiraachuu ibsaniiru.

Hoogganaan waajjira fayyaa godinichaa obbo Tasfaayee Bayyanaa gamasaaniin, damee fayyaatiinis tajaajilli tola ooltummaa godinichatti bifa garagaraan hojjetamaa jira jedhaniiru.

Kana keessaas tol ooltota hirmaachisuun dhiiga arjoomuun bal’inaan raawwatamaa akka jiru eeranii, amma ammaatti dhiigni Yuunitii 766 walitti qabamuu ibsaniiru.

Qorannoon sukkaaraa, dhiibbaa dhiigaa, Kaansarii fi kanneen biroo bilisaan taasifamaa jira jedhaniiru.

“dhiiga arjoomuuf kanin murteesse lubbuu haadholii hanqina dhiigaan dahumsarratti du’an baraaruufi” kan jedhan dhiiga kan arjooman adde Xuruuwarq Abbabaati.

Dhiiga arjoomuun lammiilee dahumsaan balaa tasaan akkasumas dhukkuboota garagaraan rakkataniif deeggarsa deeggarsa guddaa waan ta’eef cimsanii akka itti fifan ibsaniiru.