Warshaa Xaa’oo oomishu kana baatiiwwan afurtamatti xumuruuf nihojjetama-Dr. Buruuk Taayyee

Hagayya 22/2017(TOI)-Warshaa Xaa’oo Itiyoophiyaa Ivastimant hooldiing fi garee Daangooteen ijaaramu kana baatii afurtamatti xumuruuf akka hojjetamu hojii raawwachiisaan olaanaa Itiyoophiyaa invastimant hooldiing Dr. Buruuk Taayyee ibsan.

Itiyoophiyaa Ivastimant hooldiing fi garee Daangootee pirojektii warshaa xaa’oo doolaara biiliyoona 2 tuqaa 5niin  ijaaramuuf har’a waliigaltee mllatteessaniiru.

Hojii raawwachiisaan olaanaa Itiyoophiyaa invastimant hooldiing Dr. Buruuk Taayyee waliigaltee kana ilaalchisuun ibsa kennaniin, ijaarsi warshaa xaa’oo kun baatii afurtamatti xumuruuf akka hojjetamu dubbataniiru.

Gareen Daangootee dhaabbata sadarkaa Afriikaatti warshaa xaa’oo guddaa kan qabu ta’uu kan ibsan hojii raawwachiisaan kun, waggoottan 16 darban warshaa simintoorratti invast gochaa kan jiru ta’u kaasaniiru.

Waliigalteen har’aa kun warshaa Yuuriyaa galtee qonnaaf oolu meetiriik toonii miiliyoona 3 kan doolaara biiliyoona 2 tuqaa 5tti tilmaamamu oomishu ijaaruufidha jedhaniiru.

kanaanis  gareen Itiyoophiyaa Invastimenti holding qooda dhibbanta 40 kan qabu ta’uu  kan ibsan yoo ta’u, gareen Daangootee immoo  dhibbentaa 60 akka qabaatu beeksisaniiru.

Pirojektichi Qabeenya  uumamaa Boba’aa Itiyoophiyaan qabdu fayyadamuun sararri  dabarsa boba’aa ijaarameefii gara hojiitti akka galus ibsaniiru.

Gareen Daangootee Waarshaawwan kana fakkaatu ijaaruun dhaabbata muuxannoo qabu ta’uu kaasuun pirojektii kana baatiwwan 40 keessatti xumuruuf akka hojjetamu beeksiseera.

Galteen Xaa’oo Yuuriyaa keessaa tokko Gaazii uumamaati kan jedhan hojii gaggeessaa olaanaan kun, gaazii kana kuufama kaluubii fi Hilaalaa irraa fudhachuun sarara dabarsa  gaazii Km. 109 akka ijaaramu ibsaniiru.

Sararri Dabarsa Gaazii kun Naannoo Somaalee Godee kan ga’u ta’uu fi waarshichi Godeetti kan Ijaaramu ta’uu beeksisaniiru.

Dabalataanis  Gaaziin uumamaa galtee kan biroof  ta’uu  kan danda’u waan ta’eef , Waarshaa Dabalatee Godeetti Industirii peetrookeemikaalaa Itiyoophiyaa  hundeessuuf  karoora qabaachuu  beeksisaniiru.