Hidhi Haaromsa Itiyoophiyaa guddicha Bu’uura Ijaarsa seenessa waloo fi  Agarsiistuu  Milkaa’ina biyyoolessaati

Hagayya 22/2017(TOI)- Hidhi Haaromsa Itiyophiyaa guddicha Itiyoophiyaanonni Seenaa Haaraa kan barreessan, Bu’uura Ijaarsa Seenessa waloofi agarsiistuu milkaa’ina biyyaa ta’uu Yuunvarsiiii Haromayaatti Hayyoonni TOI’n dubbise  ibsan.

Erga dhakaan bu’uuraa Hidha Haaromsa Itiyoophiyaa guddichi kaa’amee eegalee Itiyoophiyaanonni kallattii hundumaan tokkummaa Sab-daneessummaasaanii argisiisuun Maallaqaan, humnaa fi dhiibbaa kamiinuu osoo hin raafamiin  fuuldura dhaabbachuun  pirojeektii Ijaaran ta’uun ni beekama.

Ijaarsicha gufachiisuuf Qaamoleen Biyya keessaa fi Alaatti tattaafatan jiraataniin osoo hin raafamiin milkaa’inaa galmeessuun seenaa haaraa  hojjechuuf carraan uumameera.

 Adeemsa kana hunda keessatti Carraqqii Dippiloomaasii Mootummaa, tokkummaa fi  Tumsa Uummataa,  qabatamaan kana argame ta’uun ni beekama.

Dhimma kana irratti Hayyoota Yuunvarsiistii Haroomayyaa TOI’n dubbise, Hidhi haaraomsa Itiyoophiyaa guddichi bu’uura Ijaarasa seenessa waloo fi mul’istuu Milkaa’ina  biyyaa ta’uu  ibsaniiru.

Yuunvarsiitichatti InistitiyuutiiTeekinooloojiitti kutaa barnoota Qabeenya Bishaanii fi Injiinaringiitti Barsiisaa fi Qorataan Dr. Eeliyaas Jamaal akka jedhanitti, Ijaarsi Hidhichaa, Itiyoophiyaa irra darbee pirojektii guddaa biyyoota riijinichaa, Misooma Aannisaatiin walitti hidhuu  kan danda’u ta’uu  kaasaniiru.

 Pirojektichi Babal’ina industiriiwwaniif, Guddina Qabeenya Turizimiitiif, kunuunsa qabeenya Uumamaatii fi misooma qabeenya Qurxummiitiif  galtee ta’uu dubbataniiru.

 Itiyoophiyaanonni humna ofiin pirojektiiwwan guddaa dhugoomsuu akka danda’an  qabatamaan kan argame, milkaa’ina misooma biyyolessaa, ibsituu  waloomaa fi  hambaa dhaabbataa  bu’uura seenessa waloo ta’uu  ibsaniiru.

Yuunvarsiistichatti Diiniin kolleejjii  Biizinasii fi Ikkonoomiksiitti, barsiisaan damee Barnoota Diinagdee Barsiisaa Araarsaa Abarraa Hidhi Haaromsa Itiyoophiyaa guddicha Aanniisa maddisiisuurra darbee bu’uura guddina biyyaa fi madda qabeenya hedduu ta’uu ibsaniru. 

Naannichatti Misooma qabeenya Qurxummii guddisuu fi bakkeewwan Hawwata Tuuristii ta’uun  qabeenya dhalootaaf darbu ta’uus kaasaniiru.  

Hidhichi mallattoo Tokkummaa sab-daneessummaa, dandeettiin danda’uu fi raawwachuu

kan itti argame ta’uu dubbataniiru.