Bara bajataa xumurame Finfinneetti malaammaltummaa ittisuudhaan qabeenya birrii biiliyoona 1 tuqaa 4 saamicharraa oolchuun danda’ameera

Hagayya 22/2017(TOI)-Bara bajataa xumurame Finfinneetti malaammaltummaa ittisuudhaan qabeenya birrii biiliyoona 1 tuqaa 4 saamicharraa oolchuun akka danda’ame komishiniin naamusaa fi farra malaammaltummaa bulchiinsa magaala Finfinnee beeksise.

Komishinichi gabaasa raawwii karoora bara bajataa 2017 fi karoora bara 2018 irratti mari’ateera.

Komishinariin komishinii naamusaa fi farra malaammaltummaa magaalaa Finfinnee Jamaal Radii wayita kana akka jedhanitti, tarkaanfiiwwan malaammaltummaarratti qabsaa’uun fudhatamaniin gamatti dhaloota hanna hadheeffatu ijaruuf hojjetamaa jira.

Hojii malaammaltummaa ittisuu hatattamaa fi idileen qabeenya birrii biiliyoona 1 tuqaa 4 ta’u saamicha jalaa oolchuu ibsaniiru.

Hala wal qabateen hojjettoota, hoggantootaa fi abbootii dhimmaa hojmaata badaa raawwatan seeraan akka gaafataman gochuusaa eeraniiru.

Itti aantuun komishinarii komishinichaa Maqdas Tasfaayee  gamasaaniin naamusa cimsuu fi hubannoo hawaasaa guddisuurratti xiyyeeffannoon hojjetamuu eeraniiru.

Hojii komishinichi qabeenya biyyaa fi ummataa saamicharraa baraaruuf hojjetamu keessatti hawaasni qoodasaa akka bahu komishinichi waamicha taasiseera.