Imala gara wabii nyaataa fi cehumsa qonaatti taasifnu keesatti bakka dacha tokkorra gahuun keenyaan Itiyoophiyaanonni hundi baga gammanne-Ministira muummee Dr. Abiyyi Ahimad

Hagayya 22/2017 (TOI)- Imala gara wabii nyaataa fi cehumsa qonaatti taasifnu keesatti bakka dacha tokkorra gahuun keenyaan Itiyoophiyaanonni hundi baga gammanne jechuun Ministirri muummee Dr. Abiyyi Ahimad ibsan.

Guyyaa har’aa Itiyoophiyaa Invastimant Hooldiingis  fi garee daangootee jidduutti walii galtee qoodaa kompileksii warshaa xaa’oo omishuu mallatteessineerra.  Pirojektiin guddichi  invastimantiin doolaarri biiliyoonni 2.5 itti bahu kun waggaatti Xaa’oo meetiriik tooniin miiliyoona sadii ta’u kan oomishu yoo ta’u Kun ammoo oomishtoota xaa’oo addunyaarraa adda duree ishee taasisa.

Pirojektiin kun biyya keessatti carraa hojii ni’uuma. Qonnaan bultoota keenya waggoota dheeraaf qoraman dhiheessii xaa’oo amansiisaa mirkaneessa. Daandii keenya imala wabii nyaataaf tarkaanfii murteessaa fudhachuu keenya agarsiisa. Dandeettii dorgomuu Itiyoophiyaan guutuu Ardichaatti qabdu cimsuun Invastimantiiwwan ummata keenyaa fi egeree keenyaa hojjechuuf ejjennoo cimaa qabnu agarsiisa jechuun ibsaniiru.

Waliigaltee mallattoo har’a taasifametti aansuun bakka warshichi ijaaramutti pirojekticha ifatti kan jalqabsiifnu ta’a. Imala seenaa kana eegalleerra. Egeree qonnaan bultoota keenyaa, dinagdee keenyaa fi Itiyoophiyaaf jecha nixumurra jedhan ergaa fuula marsariitii isaaniirratti dabarsaniin.