Naannolee Benishangul Gumuzii fi Tigiraayitti omisha Gannaan hojiiwwan  callaa  fooya’aa argachuuf dandeessisan raawwatamaniiru

Hagayya 22/2017(TOI)- Naannolee Benishangul Gumuzii fi Tigiraayitti omisha Gannaan hojiiwwan Callaa fooya’aa argachuuf dandeessisan  raawwatamusaanii Itti gaafatamtoonni Biiroo Qonnaa Naannoolee ibsan.

 Waltajjii Ministeerri Qonnaa dhiheenya kana Adaamaatti qopheesserratti Itti gaafatamtoota Biiroo Qonnaa Naannoolee lamaanii TOI’n dubbise  makarri gannaa  haala foyya’aan hojjetamaa jiraachuu Ibsaniiru.

 Itti Gaafatamaan Biiroo Qonnaa Naannoo Benishangul Gumuz obbo Baabeker Kaliifaa TOI’f akka ibsanitti, Naannichatti waggaa sadiin dura Omisha gannaan  lafti hektaarri 700 qofa  misoomaa ture.    

Bara Omishaa 2016/17 omisha Gannaan  lafa  hektaara miiliyoona 1 tuqaa 2 ol  Misoomsuun callaa  kuntaala  miiliyoona 40 tuqaa 6  walitti qabuu danda’amuu ibsaniiru. 

Omisha Ganna qabame kanatti lafti hektaarri Miiliyona 1tuqaa 6 misoomaa jira  jedhaniiru.

Adeemsa hanga ammaan Lafti Hektaarri Miiliyoona 1 tuqaa 4  midhaan gosa adda addaan   facaafamuu dubbataniiru.   

 Walii gala omisha Gannaan  lafa misoome keessaa hektaarri  kuma 330  kilaastaraan  kan misoome ta’uu ibsaniiru.

Xaa’oo fi Sanyii filatamaa dabalatee  galteewwan omisha guddisan  haala qindaa’een raawwtamuu hubachiisaniiru.

Haaluma wal fakkaatuun Bulchiinsa  Yeroo  Naannoo Tigiraayitti, Itti gaafatamaan Biiroo Qonnaa fi Qabeenya uumaamaa Dr.Iyyaasuu Abrahaa akka ibsanitti,  Nannichatti qonna Gannaan Omishaa fi Omishtummaa Guddisuuf tattaaffiiwwan adda addaa taassifamaa turaniiru.  

Naannichatti Omishawwan kanneen akka Boqqlloo, Qamadii, Xaafii fi Salixiin bal’inaan hojjetamaa jiraachuu dubbataniiru.

Omisha Gannaan Xaafii , Qamadii fi Salixiin lafa hektaara  Kuma 740 irratti faca’uu ibsuun, callaa  guddisuuf  Xaa’oo fi  sanyii filatamaan yeroosaatti dhihaachuusaatiin omisni fooyya’aan ni eeggama jedhaniiru.