Itiyoophiyaan Siwiizarlaandii fi Maaltaa waliin hariiroo daldalaa fi invastimantii cimsuuf nihojjetti - ENA Afaan Oromoo
Itiyoophiyaan Siwiizarlaandii fi Maaltaa waliin hariiroo daldalaa fi invastimantii cimsuuf nihojjetti
Hagayya 20/2017(TOI)-Itiyoophiyaan Siwiizarlaandii fi Maaltaa waliin hariiroo daldalaa fi invastimantii caalaatti cimsuuf akka hojjettu pirezidaantiin RDFI Taayyee Atsqasillaasee ibsan.
Pirezidaantiin RDFI Taayyee Atsqasillaasee yeroo turtiisaanii kan xumuran Itiyoophiyaatti ambaasaaddara Siwiizarlaand Tamaraa Moonaa fi ambaasaaddara Maaltaa Roonaald Miikaaleef gaggeessaniiru.
Hariiroon dippilomaasii gamlamee fi biyyoota hedduu biyyoonni lamaan Itiyoophiyaa waliin qaban akka cimu gumaacha ambaasaaddaroonni gaggeeffaman gumaachaniif galateeffataniiru.
Keessumaa pirezidaantichi marii ambaasaaddara Siwiizarlaand waliin taasisaniin hariiroon gama hedduu biyyoota lamaanii yeroo dheeraaf fulla’e yeroo gara yerootti cimaa dhufuu kaasaniiru.
Hariiroon kun daawwannaa fi marii siyaasaa sadarkaa hooggantooota mootummaa olaanoon taasifamaniin tumsisaanii caalaatti gabbachaa dhufuunsaa ibsameera.
Haala wal fakkaatuun Maaltaa Embaasii dhiheenya bantus yeroo gabaabaa keessatti Itiyoophiyaa waliin tumsa cimaa uumuunshee ibsameera.
Tumsisaanii keessumaa dameelee barnootaa fi aadaan cimaa dhufuun himameera.
Hariiroon guddachaa dhufe keessumaa damee dinagdeen caalaatti cimuu akka qabu pirezidaant Taayyeen kaasuusaanii marii kana kan hordofan ministeera dhimma alaatti daarektar Jeneraaliin dhimmoota Awurooppaa fi Ameerikaa ambaasaaddar Abrahaam Mangistuu TOI’f ibsaniiru.
Yeroo hojii isaanii xumuranii kan gaggeeffaman ambaasaaddarri Siwiizarlaand Tamara Moonaa turtiisaniin Siewiizarlaand Itiyoophiyaa waliin hariiroo cimaa akka qabdu eeranii, kana cimsuuf hojii bu’a qabeessa hojjechuusaanii dubbataniiru.
Keessumaa Siwiizarlaand hariiroo dippilomaasii Itiyoophiyaa fi Ameerikaatti qabdu caalaatti cimsuuf hojiilee haaraa xiyyeeffannoon raawwachuusaanii himaniiru.
Yeroo hojiisaanii kan xumuran ambaasaaddarri Maaltaa Roonaald Miikaaleef, Maaltaa Yeroo gabaabaatti Embaasiishee Finfinnetti banuun hariiroo biyyoota lamaanii cimsuuf hojiin guddaan hojjetamuu dubbataniiru.