Mootummaan Bu’uuraaleen Misoomaa Haqa-Qabeessi akka Baabl’atan hojjechaa jira-Ministira Caaltuu Saanii

Hagayya 20/2017(TOI)-Mootummaan Bu’uutaaleen Misoomaa Haqa-qabeessi akka jiraatuu fi akka babal’atu xiyyeeffatee hojjecha jiraachuu Ministirri Magaalaa fi Bu’uura Misoomaa Caaltuu Saanii ibsan.

Ministirri Magaalaa fi bu’uuraalee Misoomaa yaa’ii damee daandii 2ffaa Naannoo Somaalee Magaalaa Jigjigaatti gaggeessaa jira. 

Qaamolee Federaalaa, Naannoolee fi Qooda fudhattoota waliin ta’uun gamaggama karoora  raawwii  hojii damichaa bara 2017 fi  karora bara 2018 dhimmoota yaa’ichi irratti xiyyeefatudha.

Ministirri Magaalaa fi Bu’uura Misoomaa Caaltuu Saanii, Pirezidaantiin Naannoo Somaalee Musxafee Muhaammad dabalatee hoggantoonni  federaalaa fi Naannoolee Damee Daandii fi hoggantoonni dhaabbilee itti waamamtootaa  Yaa’icha irratti argamaniiru.

Ministirri Magaalaa fi bu’uura Misoomaa Caaltuu Saanii akka dubbatanitti, yaa’ichi  misoomni biyyatti akka saffisu qooda olaanaa kan qabu kaaraa bu’uuralee misoomaa irratti   kan marii’atu waan ta’eef faayidaansaa guddaadha.

Misomni Daandii Karoora Misooma Dinagdee biyyittiin hordoftu  galmaan gahuuf  murteessaa ta’uu kaasuun, Mootumaan bu’uuraaleen misooma daandii haqa qabeessa akka ta’uu fi akka babal’atuuf xiyyeeffannnoon kan hojjetu ta’uu  ibsaniiru.

Hojiiwwan misooma koriidaraa eegalaman miidhagina irra darbee babal’ina daandiif qooda olaanaa qabaachuu eeraniiru.

Pirezidaantiin Mootummaa Naannoo Somaalee Musxafee Muhaammad, jijjiiramaa asitti naannoolee biyyattii ijaarsi bu’uuraalee misoomaa daandii itti babal’atan keessaa tokko  Naannoo Somaalee ta’uu dubbataniru.

Naannoon ammaan dura Daandiin Godinaa fi Godina wal-quunnamsiisu qaali ture yeroo ammaa  bu’uuraaleen misoomaa daandii Aanaa fi Aanaa, Aanaa fi Godinaan kan wal-quunnamsiisu bal’aan hojjetamuu eeraniiru.

Hojiin  Misooma Koriidaraa Magaalaa fi Baadiyaatti babal’isuuf hojjetamu cimee akka ittifufu ibsaniiru.