Bara Baajatichaatti Daldala Al-ergiiraa galii doolaar Biiliyoona 9 tuqaa 4 ol argachuuf karoorfameera- Ministira Dr.Kaasahuun Goofee

Hagayya 20 /2017(TOI)-Bara baajataa 2018 humna Daldala Al-ergii Itiyoophiyaa guddisuun  sharafa alaa Doolaara Ameerikaa biiliyoona  9 tuqaa 4 ol argachuuf  karoorfamuu  Ministirri Daldalaa fi Walitti hidhaminsa Riijinii Dr.Kaasahuun Gofee ibsan. 

Bara baajataa 2017 xumurame damee daldalaa fi walitti hidhaminsa riijiniin milkaa’inni gurguddoo  Abdachiisoo galmeessuun danda’ameera  jedhaniiru .

 Cabinsa Bu’uuraalee Misooma Daldala Itiyophiyaa suphuuf hojii hojjetameen gidduu gala gabaa Sanbataa fi Dilbataa kuma 1 fi 500 ol  gurmessuun  omishaa fi shamataan  kan itti  wal-quunnamu  haala mijataan uumamuu  ibsaniiru. 

Tajaajila sirna Teekinooloojii ammayyaa diriirsuun  Kutaa Hawaasa Daldalaa  bakka jirurra  galmee Daldalaa fi  tajaajila Eeyyamaa  akka argatu  taassifamaa jira jedhaniiru.

Tajaajila galmee Daldalaa fi Eeyyamaa caalaatti saffisiisuuf Tajaajilli Masoob Wiirtuu tokkoo  kennamuu eegaluu  dubbataniiru.

Bara bajataa xmurame dandeettii Dorgommii Gabaa Idil Addunyaa Itiyoophiyaa guddisuun Daldala Al-ergiirraa Doolaara Ameerikaa Bililiyoona 8 tuqaa 3  argamuu ibsaniiru.

 Omishaaleen  Albuudaa, Qonnaa, Industirii, bu’aawwan daldala Humna ibsaa galii daldala Al-ergii  argamsiisuuni qooda olaanaa gumaachuusaanii Ministirichi ibsaniiru.

Bara baajataa 2018 dandeettii Daldala Al-ergii biyyaa guddisuun sharafa alaa doolara Ameerikaa Biiliyoona 9 tuqaa 4  argamsiisuuf karoorri qabamuu   ibsaniiru.

Gama biraan bara baajataa  xumurametti hirmaannaa Daldala Ardiilee fi Idil-Addunyaa Itiyoophiyaa Guddisuuf bu’uurri  milkaa’aa ta’e  kaa’amuun akka danda’ame dubbataniiru.

Adeemsi Miseensummaa Dhaabbata Daldala Idil-Addunyaa xumura akka argatuuf mariin milkaa’ina  qaban taassifamuusaanii  kaasaniiru.

Adeemsa  Marii  Daldalaa gamlamee fi  biyyoota hedduu keessaa  biyyoonni miseensaa  20 ta’an  Itiyoophiyaa waliin marii Daldala gam-lamee taassisuuf fedhii qabaachuu isaanii   kaasaniiru. 

Wal-ga’ii Garee Hojiirraa 6ffaa  Fulbaana dhufu Jeneevaatti gaggeeffamurratti  Itiyoophiyaa  miseensa dhaabbatichaa taassisuuf  odeeffannoo  barbaachisaa ta’e  erguun qophii gahaan taassifamuu ibsaniiru . 

Waliigaltee Daldala Bilisaa Ardii Afriikaa baatii Fulbaana dhufuu torbaan lammaffaa keessa   Daldala  jalqabaa  eegaluuf qophiin xumuramuu beeksisaniiru. 

Sakatta’insu qulqullinaa oomisha alergii fi alaa galuu mijataan qulqullina oomishaa eegsisuu dandeessisu mandarri qulqullinaa Itiyoophiyaatti taasifamaa akka jiru ibsaniiru.

Bara  baajataa Xumurametti dandeettii caasaa daldalaa guddisuu, to’annoo daldalaa Cimsuu, dabala gatii hin malle hambisuu fi shaqaxa kuusuu sirreessuun  cimee akka itti fufu   hubachiisaniiru.