Tajaajilli Lammumaa duudhaa wal-deeggarsa Hawaasaa guddisuun Aadaa ta’aa jira - ENA Afaan Oromoo
Tajaajilli Lammumaa duudhaa wal-deeggarsa Hawaasaa guddisuun Aadaa ta’aa jira
Hagayya 19/2017(TOI)-Tajaajilli tola oltummaa duudhaa waldeeggarsaa hawaasaa gama guddisuun Aadaa ta’aa dhufuu Ministirri Aadaa fi Ispoortii Shawwit Shaankaa dubbatan.
Ministeerri Aadaa fi Ispoortii dhaabbilee Itti Waamamtootaa waliin ta’uun Naannoo Benishaangul Gumuz Aanaa Sharqolleetti hojii tola ooltummaa gannaa raawwataniiru.
Ministirri Shawwit Shaankaa wayita kana akka dubbatanitti, taajilli tola ooltummaa ganna bakkeewwan hundatti raawwatamu rakkoo Hawwasummaa uummataa salphisuurra darbee Aadaa fi ibsituu Itiyoophiyaa ta’aa dhufeera.
keessumaa Tajaajilli tola ooltummaa dhaabbileen Federaalaa Naannoleetti raawwatan aadaa fi duudhaa hawwasa naannichaa beekuu fi sab-daneessummaa qabatamatti agarsiisuuf carraa uuma jedhaniiru.
Ministeerichi Dhaabbilee Waamamtoota waliin ta’uun Aanichatti Ijaarsa mana jireenyaa harka qal’eeyyii 13 raawwachuu fi barattoota kuma lamaaf meeshaalee Barnootaa akkasumas deeggarsa Kitaabota wabii godheera.
“Tajaajilli tola ooltummaa agarsiistuu waloomaa ti ” kan jedhan Ministirittiin, Manneen Aanichatti ijaaraman yeroo dhihootti xumuruuf qophiin guutuun taassifamuu beeksisaniiru.
Hojjettoonni fi gaggeessitonni dhaabbilee Itti Waamamaa Ministeerichaa deeggarsa kaayyoo hojii gaarii kanaaf agarsiisaniif galateeffataniiru.
Pirezidaantiin Naannoo Benishaangul Gumuz Ashadilii Hasan gamasaaniin, Dhaabbileen Federaalaa adda addaa tajaajila tola oltummaa gannaa karaa gurmaa’een kennaa jiraachuu dubbatanniiru.
kunis duudhaa tokkummaa fi tumsa Itiyoophiyaa kan cimsuu fi dhaabbiileen Federaalaa humna dabalaataa Naannoolee ta’aa dhufuusaanii kan agarsiisudha jedhaniiru.