Paartiin Badhaadhinaa  Aadaa Siyaasaa  walta’insa   Ijaarsa Mootummaaf  bu’uura ta’ee tajaajilu  ijaaraa  jira -Dr. Biqilaa Hurrisaa

Hagayya 09/2017(TOI)- Paartiin Badhaadhinaa  Aadaa siyaasaa  hunda hammatee fi tumsa Ijaarsa Mootummaa  ta’e  ijaaraa  jiraachuu  yaa’ii  paartiilee siyaasaa  Afriikaa  12ffaa   irratti  muuxannoo dhiheessuusaa hoogganaan  Hariiroo ummataa fi Idil-Addunyaa paartichaa Dr. Biqilaa Hurrisaa  ibsan.

Itti Gaafatamaan  Hariiroo ummataa fi Idil Addunyaa paarii badhaadhinaa Dr, Biqilaa Hurrisaa  yaa’ii  Paartiilee siyaasaa Afriikaa 12ffaa Gaanaa Akiraatti gaggeeffame  ilaalchisuun TOI waliin turtii taassisaniiru. 

Itti Aanaan Pirezidaantii Paartii Badhaadhinaa Adam Faaraah hundeeffama paartichaa irraa ieegalee milkaa’inoota Siyaasa Itiyoophiyaa, Dinagdee fi Hawaasummaan  muuxannoowwan galmeessise   yaa’icha irratti dhiheessuusaanii dubbataniiru. 

Paartichi seenessa waloo Ijaarsa Mootummaaf bu’uura ijoo  ta’u  ijaaraa jiraachuu kaasuusaanii ibsaniiru.

Paartileen siyaasaa Itiyoophiyaa Mana Maree Waloo hundeessuun dirreen tumsaa fi morkii dhimmoota  biyyaa irratti  caalaatti walitti dhihaatanii kan hojjetanii fi itti marii’atan uumamuu  waltajjicha irratti  dhihaateera  jedhan. 

Fakkeenyaaf Paartiin Badhaadhina sagalee uummataa argatee  mootummaa dhaabee, miseensotni  paartii  morkattootaa  akka hojjetan Aangessuun Itiyoophiyaa waliin gaggeessuuf tarkaanfii fudhate  kaasaniiru.

Paartichi Sirna Siyaasaa hirmaachisaa fi hammataa  ijaaraa jiraachuu ibsuun,  qaamolee hojii raawwachiiftuu Fedeeraalaa keessatti hirmaannaa dubartootaa dhibbantaa shantama geessisuu akka muuxannootti qooduusaanii dubbataniiru.

Yaadama Ida’amuun gaggeeffamuun Biyya Waliin Ceessisuun Imala Milkaa’inaa  Afrikaanotaaf  barumsa guddaa ta’uu ibsaniiru.