Nageenya cimsuun Hojiiwwan fayyadamummaa misooma hawaasaa guddisan cimanii itti fufu - ENA Afaan Oromoo
Nageenya cimsuun Hojiiwwan fayyadamummaa misooma hawaasaa guddisan cimanii itti fufu
Hagayya 08/2017(TOI)- Nagaa Cimsuun hojiiwwan fayyadamummaa misoomaa hawaasaa guddisan cimanii akka itti fufan Hoggantoonni Olanoon Godinoota adda addaa waltajjii marii Miisteerrii Nageenyaa qopheesse irratti hirmaatan ibsan.
Waltajjiin marii nagaa biyyoolessaa Mataduree "Bayyanachuu Itiyoophiyaaf Nagaa Cimsuu’’ jedhuun gaggeeffamuun ni beekama.
Hirmaattota waltajjichaa TOI Wayita kana dubbise akka dubbatanitti, nagaa jabeessuun bu’aa qabeessuumaa misoomaa mirkaneessuuf akka hojjetan ibsaniiru.
Naannoo Gambeellaatti Bulchaa Godina Anyuwaahaa Ujuluu Ummad akka jedhanitti, hirmaannaa ummataa mirkaneessuun nageenya fulla’aa ijaaruu hojjetamaa jiraachuu dubbataniiru.
Dhimmoota uummataa komachiisan irratti xiyyeefatamee deebiin kennamaa akka jiran eeruun, damee hundaan fayyadamumaa haqa qabeessa ta’e mirkaneessuuf hojiiwwan hojjetamaa akka jiran hubachiisaniiru.
Naannoo Gambeellaatti Bulchaan Godina Nyuweer Riiyaal Jiing Godinichatti Hoggantoonni Haaraan gara aangootti dhufuun nagaa jabessuun hojiiwwan Misoomaa Fayyadamummaa hawaasaa Mirakaneessan hojjechuusaanii dubbataniiru.
Hoggantoonni kunneen uummata waliin marii’achaa akka jiran eeruun, Jaarsolii biyyaa fi Abbootii Amantaa waliin marii’achuun nageenyaa fulla’aa gochuu danda’uu isaanii dubbataniiru.
Naannoo Amaaraa Godina Saba Oromootti, Itti Aanaan Bulchaa Godinaa fi Itti Gaafatamaan Qajeelcha Nageenyaa Abdujamal MahaammadSaanii, Godinichatti Hoggansii fi uummanni qindoomuun hojii hojjetameen walitti bu’insi yeroo adda addaatti uumamaa ture bu’urarraa hanbisuu danda’uu dubbataniiru.
Kanaanis Godinichatti hirmaannaa uummataan nagaa cimsuuf hojjetamaa jiraachuu eerun, hariiroon gaariin ummattoota jidduutti uumamuu ibsaniiru.
kanaanis uummanni nagaa jabeessuu fi hojii misoomaa saffisiisuun cinaatti omishtummaa mirkanessuu irratti akka argaman dubbataniiru.
Nageenya fulla’aa jabeessuu fi misooma saffisiisuun, hojiiwwan uummata fayyadamaa taassisan cimanii akka itti fufan mirkaneessaniiru.