Yaa’iin paartilee siyaasaa Afriikaa 12ffaan eegalame

Hagayya 06/2017(TOI)-Yaa’iin paartilee siyaasaa Afriikaa 12ffaan Gaanaa Akiraatti eegalameera.

Yaa’iin kun har’a irraa eegalee guyyoota sadiif akka turu TOI’n paartii Badhaa irraa odeeffateera.

Itti aanaan pirezidaantii paartii badhaadhinaa fi sadarkaa itti aanaa ministira muummeetti hoogganaan jiddugala qindeessaa ijaarsa sirna demokiraasii Adam Faaraah akkasumas hoogganaan damee hariiroo ummataa fi idil addunyaa Dr Biqilaa Hurrisaa waltajjicharratti hirmaachaa jiru.

Yaa’iin kun ajandaawwan walitti hidhamiinsa riijinii, nagaa fi tasgabbii, bulchiinsa hunda galeessa, guddina dinagdee egeree fi misooma ardiirratti qooda paartilee siyaasaa jedhanirratti akka mari’atu ni’eegama.