Izziin bahaa hojii birmadummaa biyyaa kabachiisuu fi nageenya cimsuuf hojjetu ciminaan ittifufeera-Letenaal Jeneraal Mahaammad Tasammaa

Hagayya 05/2017(TOI)- Izziin bahaa hojii birmadummaa biyyaa kabachiisuu fi nageenya cimsuuf hojjetu ciminaan ittifusaa ajajaan olaanaa Izzichaa Letenaal Jeneraal Mahaammad Tasammaa dubbatan.

Ayyaanni hundeeffama raayyaa ittisa biyyaatti izziin bahaa waggaa 48ffaa istaadiyeemii Imaam Ahimad Hararitti feestivaalii ispoortiin kabajamuu eegaleera.

Letenaal jeneraal Mahaammad Tasammaa sirna baniinsaarratti dubbii dubbataniin, izziin bahaa Izziiwwan birmadummaan biyyaa fi nageenyi ummattootaa akka kabajamu qabsoo olaanaa taasisan keessaa isa tokkodha.

Raayyaan onnee Itiyoophiyummaan guutamuunsaa, aadaa fi duudhaalee boonsaa eeguunsaa fi kabajni ummanni isaaf kenne bu’aa kanaaf gumaacha taasisuu dubbataniiru.

Izzichi izziiwwan biroo waliin ta’uun amalaa fi duudhaalee ummatummaa eeguun Itiyoophiyaa haleellaa keessaa fi alaarraa ittisuun ergama kennameef ciminaan ittifufeera.

Fuulduras birmadummaa biyyaa eegsisuun nageenyi akka cimu ciminaan nihojjeta jedhan.

Ayyaanni hundeeffamaa kun mata duree “ergama keenya heera mootummaa injifannoon bahachaa nageenya biyya keenyaa nicimsina” jedhuun guyyaa 30’f nikabajama kan jedhan ammoo aiajaa itti aanaa izzii bahaa meejer jeneraal Fiqaaduu Tsaggaayeedha.

Ayyaanni kun feestivaalii Ispoortii, shaakallii fi agarsiisa loltummaan, marii paanaalii, eebba kitaabaa fi sagantaalee biroon nikabajama jedhaniiru.

Akkasumas dokimantarii fi agarsiifni suuraa raawwii dirqamaa izzichaa agarsiisan akka dhihaatu dubbataniiru.

Izzichi dirqama loltummaan cinaatti ummata waliin ta’uun sagantaa shaaraa magariisaan biqiltuu dhaabuu fi kunuunsuu isaa ibsaniiru.

Itti aantuun bulchaa naannichaa Roozaa umar, paartii badhaadhinaatti hoogganaan waajjira damee naannoo Hararii Geetuu Wayyeessaa, Qondaaltonni jeneraalonnii fi raayyaan poolisii federaalaa, miseensonni poolisii naannichaa fi keessummoonni waamaman biroon saganticharratti argamaniiru.