Ayyaanni guyyaa sabootaa, sablammootaa fi ummattootaa Itiyoophiyaa 20ffaan yeroo Itiyoophiyan bayyanachuu eegaltetti kabajamuunsaa adda isa godha

Hagayya 05/2017(TOI)- Ayyaanni guyyaa sabootaa, sablammootaa fi ummattootaa Itiyoophiyaa 20ffaan yeroo imalli bayyanachuu Itiyoophiyan gama hundaan bu’aa galmeessaa kabajamuunsaa adda akka isa godhu af-yaa’iin mana maree federeeshinii Aganyoo Tashaagar ibsan.

Koreen muummee karoora ayyaana guyyaa sabootaa, sablammootaa fi ummattootaa Itiyoophiyaa 20ffaa qindeessummaa mana maree federeshiniin naannoo jiddugaleessa Itiyoophiyaa Sadaasa 29 bara 2019 magaalaa Hoosaa’inaatti kabjamu irratti mari’achaa jira.

Af-yaa’iin mana maree federeeshinii Aganyoo Tashaagar wayita kana akka jedhanitti, ayyaanni guyyaa sabootaa, sablmmootaa fi ummattootaa ayyaana tokkummaa fi obbolummaan itti mirkanaa’udha.

Ayyaanni guyyaa sabootaa, sablmmootaa fi ummattootaa bara 2018 Itiyoophiyaan gama hundaan imala bayyanachuu kan itti eegaltee fi bu’aanis argamaa wayita jirutti kabajamuunsaa adda akka isa taasisu dubbataniiru.

Hidhi haaromsaa guddichi yeroo eebbifamutti akkasumas adeemsi marii biyyaalessaa qindoominan yeroo eegalamutti kabajamuunsaa adda akka isa taasisu eeraniiru.

Ayyaanni kun naannoo jiddugaleessa Itiyoophiyaatti akka kabajamu kaasanii, kunis hojiilee misoomaa naannichaa, misooma bu’uraa fi invastimantiin akka dadammaqu godha jedhaniiru.

Ayyaanni kun sadarkaa biyyaalesaatti Feferaala, naannolee fi bulchuunsota magaalaatti kan kabajamu yoo ta’u sagantaan guduunfaa naannoo jiddugala Itiyoophiyaa magaalaa Hoosaa’inaatti kabajama.