Nageenya waaraa mirkaneessuun milkaa’ina bayyanachuu Itiyoophiyaaf hojjetamaa jira-ministira Mahaammad Idris

Hagayya 03/2017(TOI)- Nageenya waaraa mirkaneessuun milkaa’ina bayyanachuu Itiyoophiyaaf hojjetamaa jiraachuu ministirri nageenyaa Mahaammad Idris ibsan.

Waltajjiin marii ministeerri nageenyaa qopheesse hooggantoota nagaa fi tasgabbii naannolee hundaa fi bulchiinsota magaalaa lamaanii waliin Adaamaatti gaggeeffamaa jira.

Mariin kuna mata duree “bayyanachuu Itiyoophiyaaf nagenya keenya cimsuu” jedhuun gaggeeffamaa jira.

Kaayyoon waltajjichaa ijaarsa nageenyaa biyyaa, walitti bu’iinsa furuu fi ijaarsa biyyaarratti hubannoo guutuu qabachuun iftoominaa fi qophii misooma gabbisuu dandeessisu ta’uun eerameera.

Ministirri nagenyaa Mahaammad Idris haasawa baniinsaa taasisaniin, nageenya waaraa biyyattii cimsuuf mootuummaan hojiiwwan hedduu hojjechaa jira jedhaniiru.

Haala Kanaan dirree siyaasaa bal’isuurraa kaasee balbala nageenyaa banaa taasisuun qaamoleen hidhatan hedduun karaa nagaatti akka dhufan dandeessisuu dubbataniiru.

Waamichi nageenyaa mootummaan taasisee fi hojiileen nagaa kabachiisuu nageenya waaraa mirkaneessuun misoomni akka bayyanatu qooda olaanaa bahaa akka jiran eeraniiru.

Ministeerichi fuulduras hojiileenageenya waaraa fi ijaarsa dhaabbileeratti cimsee akka ittifufu dubbataniiru.

De’eetaan ministira nageenyaa Dr. Keyraddiin Tazarraa, ajajaan qajeelcha waliigalaa ittisa yakkaa polisii federaalaa Itiyoophiyaa itti aanaa komishinaraa Malaakuu Fantaa dabalatee hooggantoonni olaanoo federaalaa fi naannoo waltajjicharratti argamaniiru.