Hojiileen riifoormii qajeelcha waliigalaa poolisii Finfinneen hojjetaman dhaabbanni poolisii guddina magaalattii madaalu kan agarsiisudha-Komishinar Jeneraal Dammallaash Gabramikaa’el

Adoolessa 29/2017 (TOI)-Hojiileen riifoormii qajeelcha waliigalaa poolisii Finfinneen hojjetaman dhaabbanni poolisii guddina magaalattii madaalu kan agarsiisu ta’uu Komishinar Jeneraaliin poolisii federaalaa Itiyoophiyaa Dammallaash Gabramikaa’el ibsan.

Komishinar jeneraaliin poolisii federaalaa Itiyoophiyaa Dammallaash Gabramukaa’el  hojiilee riifoormii qajaalcha waliigalaa poolisii Finfinneetti hojjetaman daawwataniiru.

Komishinar jeneraaliin poolisii federaalaa Itiyoophiyaa Dammallaash Gabramikaa’el qajeelfama hojii xumura daawwannaarratti kennaniin, hojiileen riifoormii poolisiin Finfinnee raawwachaa jiru jajjabeessoo ta’uu dubbataniiru.

Hojiileen teeknooloojii, gurmaa’insa humna namaa fi bakka hojii mijataa uumuun raawwataman kanneen biroof fakkeenya ta’u jedhaniiru.

Kunis hojiilee yakka ittisuu, qorannoo fi to’annaa tiraafikaa qindoominaan gaggeessuuf kan dandeessisu ta’uu dubbataniiru.

Hojiileen riifoormii qajeelcha waliigalaan hojjetaman dhaabbanni poolisii guddina magaalaa Finfinnee madaalu ijaaramaa akka jiru kan agarsiisu ta’uu dubbataniiru.

Fuulduras hojiileen riifoormii caalaatti cimanii ittifufuu akka qaban komishinar jeneraal dammallaash hubachiisaniiru.