Sagantaan Ashaaraa Magariisaa Itiyoophiyaa irra darbee Riijinichaaf hojii bu’aa guddaa argamsiisudha - ENA Afaan Oromoo
Sagantaan Ashaaraa Magariisaa Itiyoophiyaa irra darbee Riijinichaaf hojii bu’aa guddaa argamsiisudha
Adoolessa29/2017(TOI)-Sagantaan Ashaaraa Magariisaa Itiyoophiyaa irra darbee Riijinichaaf hojii bu’aa guddaa argamsiisu ta’uun ibsame.
Ministeerri dhima Alaa fi dhaabbileen itti waamaman Dirree Dawaattii Biqiltuu dhaabuun Ashaaraa magariisaa isaanii kaa’uun tajaajila tola ooltummaa gannaa jalqabsiisuun, sochii hojii misoomaas daawwataniiru.
Sagantaa guyyoottan sadan darban raawwatamaa turaniin Qondaaltonni olaanoonnii fi Ambaasaaddaroonni hirmaataniiru.
Hirmaattonni TOI waliin turtii taassisan akka ibsanitti, Ashaaraan magariisaa pirojeektii dinqisiisaa Itiyoophiyaannonni jaalalaa fi Tokkummaan olka’insa biyyaaf akka dhaabbatan taassise ta’uu ibsaniiru.
Dubbii himaan Ministeera dhimma Alaa Ambaasaaddar Nabiyaat Geetaachoo Ashaaraan magariisaa dhiibbaa jijjiirama Qilleensaa dandamachuun imala Dinagdee magariisaa saffisiisaa akka jiru ibsaniiru.
Pirojeektiin Ashaaraa magariisaa imala badhaadhinaa biyyi keenya kallattii hedduuun qabdu walitti hidhaminsaa fi miklaa’inaan deemaa jira.
Itti Aanaan Daarektara olaanaa Inistitiyuutii dhimma Alaa Dr. Abdii Zannabaa akka jedhanitti, biyyi keenya pirojektii Ashaaraa magariisaan hojii fakkeenyaa raawwachaa jirtu, Riijinichaaf darbees milka’ina badhaadhin Afriikaaf qooda olaanaa bahata jechuun dubbataniiru.
Ashaaraan Magariisaa Biqiltuu dhaabuu qofaa miti, Jaalala, Nagaa fi tokkummaa biyyoota Riijinii fi guutuu Afriikaa Waliin kan walitti hidhudha jechuun ibsaniiru.
Biqiltuuwwan dhaabbatan faayidaa hedduu qaban kunuunsanii guddisuun dirqama hunda keenyaati jedhaniiru.
Keeniyaatti Ambaasaaddarri guutu Itiyoophiyaa Jeneraal Baacaa Dabalee Diree Dawaatti jijiirama biyyoolessaa hordofuunQindoomina hoggansaa fi Jiraattotaan bu’aawwan galmaa’aa jiran itti fufsiisuuf pirojektiin Ashaaraa magariisaa biyyoolessaa murteessaa ta’ uu ibsaniiru.