Magaalichatti pirojektoonni fayyadamummaa Uummaichaa mirkaneessan kuma 15 fi 960 tajaajilaaf gahaniiru - ENA Afaan Oromoo
Magaalichatti pirojektoonni fayyadamummaa Uummaichaa mirkaneessan kuma 15 fi 960 tajaajilaaf gahaniiru
Adoolessa 04/2017(TOI)-Magaalichatti bara Baajataa 2017 xumurametti pirojektoonni kuma 15 fi 960 Mootummaa fi Hirmaannaa Hawaasaan xumuramanii tajaajilaaf ga’uusaanii Kantiibaan Magaalaa Finfinnee Adaanech Abeebee Ibsan.
Yaa’iin Idilee 4ffaa Mana Maree 3ffaa Bara Hojii Waggaa 4ffaa Magaalaa Finfinnee Gaggeeffamuu Jalqabameera.
Kantiibaan Bulchiinsa Magaalaa Finfinnee Adaanech Abeebee gabaasa raawii karoora bara 2017 dhiheessaniiru.
Gabaasa Isaaniin Bara baajataa 2017tti fayadamummaa Hawaas-Diinagdee Uummatichaa mirkaneessuuf hojiin misoomaa hedduun raawwatamuu ibsaniiru.
Kanneen keessaa, Gidduu Gala Konveekshininii Idil Addunyaa Addis, gidduugalawwan gabaa, Fayyaa, Barnoota, Aartii fi Bu’uuraalee Misoomaa biroon kan eeramanidha jedhaniiru.
Ijaarsii fi haaromsi Mannen harka qal’eeyyii kuma 8 fi 786 tola ooltota qofaan kan ijaaraman yoo ta’u, Manneen Jireenyaa Baajata Bulchiinsa Magaalichaan ijaaraman kuma 5 fi 176 ta’uu ibsaniiru.
Misooma kooriidaraan, Kaazaanchis, Boolee, Lidataa, Laaftoo, Arat kiiloo fi kanneen biroon hirmaanna dhuunfaa fi mootummaan suuqiiwwan kuma 5 fi 563 xumuramuu kan kaasan kantibittiin, sheediiwwan hojii kuma 1 fi 64 gara tajaajilaatti galaniiru jechuun ibsan.
Sosochii ijoollummaan duraan Magaalaan Finfinneetti Daa’imman guddisuuf Magaala Mijattuu taassisuuf hojii eegalamaniin bakkeewwan daa’imman itti taphatan kuma 1 fi 155 ijaaramuu ibsaniiru.
Dargaggootaaf Dirreewwan Shaakala Ispoortii 122 xumuramanii tajaajila eegaluu ibsaniiru.
Bara baajatichaatti boqonnaa jalqabaan Misooma Koriideraa dabalatee bakkeewwan dhaabbii konkolaataa 153 fi terminaalonni xumuramanii tajaajila eegaluu ibsaniiru.
Hojiiwwan misoomaa biroo dabalatee pirojektoonni kuma 1 fi 960 ijaaramanii tajaajilaaf ga’uusaanii kaasuun kanneen keessaa 16 pirojeektoota gurguddoodha jedhaniiru.
Kanarra darbee kuma 9 kan ta’an hirmaannaa Hawaasaa fi tajaajila tola oolotaan kan hojjetaman ta’uu, kaasaniiru.
Hojii Bu’uuraalee Misoomaa dhaqababumaa daandii fi qulqullina qaban, sochii tiraafikaa magaalichaa fooyyessuu danda’an ijaaruuf hojii hojjetameen, Asfaaltii, kobilii, cirracha, fi daandii miilaa Km kuma 1 fi 392 ta’uu hojjetamuu eeraniiru.