Mootummaan  Naannichaa Hojii  Gaaffiiwwan  Misooma  Hawaasaa  Deebisan  Irratti Xiyyeefatee Hojjechaa Jira

Waxabajjii 30/2017(TOI)-Mootummaan Naannoo Oromiyaa hojii  gaaffiiwwan Misoomaaf   deebii kennan irratti xiyyeeffachuun hojjechaa jiraachuu sadarkaa Iti Aanaa Pirezidaantiitti Qindeessaan Kilaastera Misooma Baadiyaa Nannoo Oromiyaa  Addisuu Araggaa  ibsan.

Bulchiinsa  Magaalaa  Adaamaatti  Pirojektoonni Faayidaa Hawaasummaa fi Dinagdee qaban 171 eebbifamanii tajaajilaaf ga’aniiru.

Pirojektota  har’a eebbifaman keessaa  wiirtuu  Horsiisa Lukkuu fi  Sa’a  Aannanii, Hospitaalli Sadarkaa 1ffaa, Manneen  Barnootaa, Ijaarsa Gamoo Mana Murtii Olaanaa Magaalaa Adaamaa,  Gamoon Bulchiinsaa,  wiirtuu kuusaa fi deebi’ee fayyadama  balfa dhangala’aa fi  gogaa , Waarshaa qindeessa  nyaata horii fi Industirriiwwan keessatti argamu.

Sirna eebbaa kana irratti kan argaman sadarakaa Itti Aanaa Pirezidaantii Naannoo  Oromiyaatti Qindeeessaan Kilaastera Misooma Baadiyaa Addisuu Araggaa bara Bayyanachuu keessa taanee pirojektoota gurguddoo  waan danda’aman  kan hin fakkaanne   dhugoomaa jiru jedhaniiru.

Mootummaan Naannichaa Pirojektoota  Ye
roon, Saffisaan, Qulqullinaan xumuree tajaajilaaf geessisaa jiraachuu eeruun, Mootummaan Naannichaa gaaffii misoomaa uummataa  deebisuuf  xiyyeeffannoo  addaa kennuun hojjechaa jiraachuu ibsaniiru.

Pirojektoota Misoomaa Saffisaan  Xumuruunii fi  tajaajilaaf banaa gochuurra darbee kenna Tajaajilaa Ammayyeessuu cinaati hojjetamaa jira jedhaniiru.

Bara baajatichaatti uummata Naannichaa, Abbootii Qabeenyaa fi qaamolee deeggartootaa adda addaa dabalatee humna mootummaa  waliin qindeessuun  hojiin misoomaa bal’aan hojjetamuu kaasaniiru.

Bu’aawwan amma galmaa’aa jiran cimsuun  wabii nyaataa mirkaneessuu fi hiyyummaa keessaa ba’uuf hirmaannaan taassifamu  itti fufa jedhaniiru.

Kantiibaan Bulchiinsa Magaalaa Adaamaa Haayiluu Jaldee gama isaaniin , fayadamummaa jiraattota Magaalichaa Mirkaneessuuf hojiiwwan misoomaa hedduun raawwatamaa jiraachuu ibsaniiru. 

Magaalichatti galma Misoomaa kaa’ame Milkeessuuf xiyyeefannoon hojjetamaa jira kan jedhan Kantiibichi, Magaalichatti hojiin wabii nyaataa Mirkaneessan raawwatamaa jiraachuu ibsaniiru.  

Haaluma Walfakkaatuun Magaalichatti  Kenna Tajaajilaa Dijiitaalaan Deeggaruun   Waajjirooleen Hedduun  tajaajila waraqaa irraa bilisa  ta’e Kennaa Jiraachuu Ibsaniiru. 

Kanaanis tajaajiloonni 122 gara Dijiitaalaatti akka galan gochuurra darbee Waajjirooleen damichaa 30 ol  tajaajila wiirtuu tokkoo kennaa jiraachuu ibsaniiru.

 Pirijektoonni har’a eebbifaman hirmaannaa hawaasaan, tajaajila tola ooltummaanii fi   tattaaffii Dhaabbilee Bulchiinsaa  sadarkaa sadarkaan jiraniin kan ijaaraman ta’uu  kaasaniiru.