Naannichatti Bu’uuraaleen Misoomaa Ijaaramanii tajaajilaaf ga’aa jiran  fayyadamummaa hundagaleessa hawaasaa kan  guddisanidha

Waxabajjii 28/2017(TOI)-Naannoo Oromiyaatti dhaabbiileen Bu’uuraalee Misoomaa Ijaaramanii  tajaajilaaf ga’aa jiran fayyadamummaa hundagaleessa hawaasaa kan  guddisan ta’uun ibsame.

Godina Iluu Abbaabor Aanaa Hurruumuutti  bu’uuraaleen misoomaa adda addaa bassii  Birii Miiliyoona 72 oliin ijaaraman   tajaajilaaf  ga’aniiru.

 Sagantaa eebbaa sanarratti   kan argaman Paartii Badaadhinaa Damee oromiyaatti Itti Gaafatamaan  Damee Siyaasaa Obbo  Namarraa Bulii akka ibsanitti , Pirojektoonni Bu’uuraalee Misoomaa   Fayyadamummaa Hawaasaa Dabalaa jiran  tajaajilaaf dhihaachaa jiru .

Keessumaa dhaabbileen bu’uuraalee misoomaa fedhii hawaasaa guutuu fi fayyadamummaa hunda galeessa mirkaneessuuf kan gargaaran  waan ta’aniif hojichi cimee itti fufa jedhaniiru.

Pirojektoonni Misoomaa gaaffii  Hawaasummaa, Dinagdee fi  Bulchiinsa gaarii deebisuu danda’an   bal’inaan akka hojjetamanis dubbataniiru.

Hoggansi sadarkaan jiru tajaajila  uummataaf kennu saffisiisuu fi rakkoo Bulchiinsa gaarii dhabamsiisuu akka qabu hubachiisaniiru.

Bulchaa Godina Iluu  Abbaaboor  Indaalkaachoo Tafarii  gamasaaniin,  bara baajataa kana  Godinichatti Aanaa hundatti dhaabbiileen bu’uuraalee misoomaa gaaffii uummataa gama Hawaasummaa, Dinagdee, fi  Bulchiinsa gaarii  deebisan ijaaramanii  tajaajilaaf  ga’uu  ibsaniiru.  

Godinichatti dhaabbilee  bu’uuraalee misoomaa  tajaajilaaf ga’a jiran keessaa mana barumsa  Bu’’uura Booruu, Riqichawwan, Daandiiwwan, Dhaabbilee Bishaan Dhugaatii Qulqulluu, Waajjiraalee Bulchiinsa,  fi Gidduugalli Gabaa akka keessatti argaman ibsaniiru.

 Pirojektoonni kunneen  kallattiinis ta’e al kallattiin rakkoo hawaasaa hunda galeessa  furuu  kan danda’anidha. 

Bulchaan Aanaa Hurrumuu Minaasee Mokonnin Aanichatti Dhaabbiileen bu’uuraalee misoomaa  37  waliigala baasii  birrii miiliyoona  72 tuqaa 6  oliin ijaaramuun xumuramanii tajaajilaaf ga’uu  ibsaniiru.

Jiraattota Aanaa Hurrumuu Keessaa Aadde Hizbaalam Dagafuu  fi Obbo Galataa Caakkaa Naannosaaniitti dhaabbiileen bu’uuraalee misoomaa addaa addaa ijaaramanii tajaajilaaf ga’uu isaanii ibsuun,  dhaabbileen kunneen gaaffii isaanii yeroo dheeraa kan deebisan  ta’uu  ibsaniiru