Itiyoophiyaa fi Angoolaan tumsa gam-lamee cimsuuf akka hojjetan ibsan

Waxabajjii16/2017(TOI)-Itiyoophiyaa fi Angoolaan hariiroo gam-lamee qaban guddisuu fi  Afrikaan Shoora Addunyaarratti qabdu guddisuuf tumsa isaanii jabessuuf akka hojjetan  pirezidantonni biyyoota lamaanii ibsan. 

Pirezidaantiin Rippaabilika Federalaa ItiyoophiyaaTaayyee AtseqaSillaasee Pirezidaantii  Angoolaa fi durataa’aa gamtaa Afriikaa yeroo ammaa Joo Lorenso waliin marii’ataniiru.

Mariin kun waltajjii daldalaa Afriikaa-Ameriikaa magaala guddoo Angoolaa Luwaandaaatti  adeemsifamaa jiru cinaatti gaggeeffame.

Hoggantoonni lameen hariiroo fi tumsa biyyoota lameeniin cimsuun haala danda’amurratti,  marii’achuu isaanii Maricha Kan Hordofan Ministeera Dhimma Alaatti Daarekteerri Olaanaan Dhimma Afriikaa  Ambaasaadder zarihun  Abbabaa TOI’f  ibsaniiru.

Keessummattuu, Hariiroo Cimsuuf gurmaa’insa dhaabbiilee uumuun barbaachisaa ta’uu  tilmaama keessa galchuun  Koreen Ministeerotaa waloon Kanaan dura biyyoota lameen giduutti hundeeffame saffisaan gara hojiitti akka galu hoggantoonni waliigalteerra ga’ameera jedhaniiru.  

 kana hordofuun Ministiroonni  gama lameen jiran qajeelfamni akka isaaniif kennamu   marii’ataniiru. 

Hoggantoonni lameen dhimmoota  Aardiirratti  xiyyeeffannoo  kennuun kessumattuu Afriikaan waltajjii Addunyaarratti qooda qabdu haala guddisuun danda’amurratti  marii’achuu isaanii ibsaniiru . 

Keessummattuu haaromsa dhaabbilee mana maree Nageenyaa Dhaabbata Mootummoota Gamtoomaniin kan wal qabatu irratti marii’achuu fi Afriikaan rakkoolee har’a Addunyaa mudachaa jiraniif furmaata barbaaduu keessatti  gahee adda durummaa akka qabaattuuf haala dandeessisan irratti marii’ataniiru. 

Dhumarratti Pirezidaant Taayyee AtsqaSillaasee Mootummaan Angoolaa Simannaa Jila Itiyoophiyaaf Taassiseef Pirezidaantii Angoolaa Joo Lorenso galateeffataniiru jechuun Galaalchaan TOI bakkicharraa gabaaseera.