Rakkoo mana jireenyaa Furuuf  filannoowwan adda addaan ijaarsi mannneenii ciminaan Ittifufu – Kantiibaa Adaanech Abeebee  

Waxabajjii 06/2017(TOI)-Rakkoo Mana Jireenyaa Jiraattota Magaalaa  Finfinnee Furuuf  Ijaarsi Manaa filannoowwan adda addaan ciminaan akka Ittifufu kantiibaa Adaanech Abeebee ibsan.

Kantiibaa Adaanech Kutaa Magaalaa Nifaas Silki Laaftoo, Naannawa Addababayii Jarmanitti  baajata Mootumaan Manneen Jireenyaa Ijaaramaa jiran sadarkaa irra gahe  daawwataniiru.

Fedhiin Mana Jireenyaa Mootummaa qofaan kan Furamu  waan hin taaneef Dameen Dhuunfaa hojii ijaarsaa Hojjetan ijaarsasaanii yeroo gabaabaa fi qulqullinaan akka xumuran  kantiibittiin waamicha dhi’eessaniiru.

Bulchiinsi Magaalichaa Akkaataa kallattii kaa’een Misoomsitoonni yeroo kaa’ame Keessatti Ijaarsasa akka xumuran deeggarsa barbaachisaa akka godhu mirkaneesseera.

Rakkoo mana jireenyaa Furuuf xiyyeeffannoo addaa kennameen mootummaa fi dhuunfaan, akkasumas  pirojeektii ijaarsa  damee dhuunfaan akka saffisuuf tassifamaa jiraachuu waajjira  kantiibaatti hogganaan Pirees sakreetarii Dr. Mi’eessaa Elemaa  TOI’f ibsaniiru.

Pirojektoonni ijaarsa manaa yeroo ammaa mootummaan hojjetamaa jiran saffisaa jiraachuu ibsuun, haala wal fakkaatuun Ijaarsi motummaan damee dhuunfaa waliin Raawwachaa jiru  haala gaariirra jiraachuu eeraniiru.

 Pirojektoonni ijaarsa manaa damee dhuunfaan raawwataaa jiran mootummaan dhiheessi lafa irraa eegalee dhimmoota barbaachisoo guutuun deeggaraa jiraachun haala  fooyyyee qabuun socho’aa kan jiran jiraachuu eeraniiru.

Dabalataanis Hogganichi dameen dhuunfaa lafa daangessanii qabatanii gara hojii qabatamaatti kan hin gaalle saffisaa fi qulqullinaan gara hojiitti akka galanii fi  fedhii  manaa  uummataaf  akka  guutan waamicha dhiheessaniiru.