Xaanaanesh 2  Imalashee itti fuftee har’a Adaamaa geesseetti

Waxabajjii 04/2017(TOI)-Galaanaa Xaanaa irratti tajaajila Geejibaa kennuu fi hawwattummaa Turizimii guddisuuf yaadamee  gara biyya keessatti imalchiifamaa kan jirtu Dooniin xaanaanesh-2  Magaalaa Adaamaa geesseetti.

 Xaanaanesh 2 Adaamaa yeroo Geessu gaggeessitoonnii hojii fi hoggantoonni Geejibaa Galaanaa  fi Loojistiksii  Itiyoophiyaa, Kantiibaan Magaalaa Adaamaa fi  Jiraattonni  Magaalichaa simannaa godhaniiruuf.

Jibuutii buufata Doolaareeh   kaatee  imala Itiyoophiyaarra kan jirtu Xaanaash2    imala yero dheeraa booda guyyaa har’aa  Magaalaa Adaamaa galteetti .

 “Xaanaanesh 2 Meetiriik Toonii  150 Kan Ulfaattu Yoo Ta’u dheerinni ishee  Meetira 38  Akkasumas namoota 188 fe’uu Akka Dandeessu ibsameera.

Geejibni Galaanaa fi loojistiksii Itiyoophiyaa Galaanota adda addaarratti geejiba galaanaa  Doonii  ammayyaa’aan deeggarame tajaajila geejibaa bishaanirraa  kennuuf  tattaaffii   taassisaa jiraachuun ni yaadatama.  

Akka Kanaan Doonii ammayyaa  fichisiisuun  biyya keessatti geejjiba galaanarraa  dhaqabamaa  taasisuuf tattaaffiin godhamaa jiraachuu ibsuun,  Xaanaanesh 2 gara Baahir Daaritti imalaa jiraachuu dhaabbatichi beeksiseera.    

Gara fuulduraattis Laangaanoo fi Shaala dabalatee galaanota hundarratti doonii  ammaayaan geejiba Bishaanirraa kennuuf karoorri qabamee hojjetamaa jiraachuu   gabaasuun keenya ni yaadatama. 

Immalli  Xaanaash 2  milkaa’aa akka ta’uuf  Poolisiin Federaalaa Itiyoophiyaa fi miseensonni  poolisii Tiraafikaa Naannoolee gahee guddaa gumaachaa jiraachuun ibsamaeera.      

Dabalataanis Humna ibsaa Itiyoophiyaa fi tajaajilli ibsaa itiyoophiyaa  Doonicha dabarsuuf   Sarara  ibsaa daadndiirra jiran kaasuun  akkasumas  Shoboo citan saffisaan deebisuun  hirmaannaa gochaa jiraachuu ibsaniiru .