Misoomni koriidarii Hararitti hojjetame Naannoo Qulqulluu akka jiraannu nu taassiseera-Jiraattota

Waxabajjii 04/2017(TOI)-Misoomni koriidarii Magaalaa Hararitti hojjetame Magaalattii Miidhagsuu irra darbee naannoo qulqulluu keessa akka jiraannu nu taassiseera jechuun ibsan jiraattonni Magaalittii.   

Hojiin misooma koriidaraa magaala Harar miidhaginaanis, Milkaa’inaanis agarsiistuu gaarii ta’ee  qabatamaan kan argamuu fi namoota hedduu biratti dinqisiifatamaa jira. 

Jiraattota Magaalaa Harar keessaa Aadde Giizmaan Abdii fi Aadde Almaaz Xilahun  Misoomni koriidaraa Miidhagina Magaalaa ta’uurra darbee jiraattonni magaalittii haala mijataa fi  naannoo qulqulluu keessa akka jiraannu nu taassiseera  jedhaniiru.  

Hojiiwwan misoomaa raawwatamaa jiran bakkeewwan bashannanaa, daandii lafoo fi kanneen biroo Sadarkaa Magalittii Kan eeggatan ta’uu kaasaniiru. 

 Daandiin Jogol ammaan dura  sirriitti waan hin hojjetamneef  sochiif rakkisaa fi  hanqina qulqullinaa kan qabu  akka ture kaasuun, yeroo ammaa kan jaallatamuu fi  hunduu yoo  daawwate  kan itti gammadu ta’eera  jechuun yaadasaanii ibsaniiru .

Jiraattonni Magaalichaa biroon Obbo Haayiluu Gabree fi obbo Mahaammad Shaashi gama isaaniin, misoomni koriidarii Harar kan miidhagde, tuuristootaaf filatamtuu fi  magaala qulqulluu ijaaruu dandeessiseera jedhaniiru. 

Naannoon jogolii fi keessishee ammaan dura hanqina qulqullinaa akka qabu yaadachuun  yeroo ammaa baay’ee qulqulluu fi naannoo  hawwattuu gochuu danda’uu kaasaniiru.

Haata’u malee misooma koriidaraa miidhagina magaalaa fi jiraattonni Fayyasaanii Akka Eeggatan Gochuun Agarsiiftuu Gaarii Ta’uu Dubbataniiru.