Naannoo Oromiyaatti raawwiin pirojeektota Bu’uuraalee Misoomaa Fayyadamummaa  Hawaasaa guddisan bu’aa qabeessadha 

Waxabajjii 03/2017(TOI)-Naannoo Oromiyaatti Raawwiin Pirojeektota Bu’uuraalee Misoomaa   Fayyadamummaa Hawaasaa Guddisan Bu’aa Qabeessa Ta’uu Itti Aanaan Pirezidantii Naannoo Oromiyaa Awwaluu Abdii Ibsan.

 Itti Aanaan Pirezidaantichaa raawwii pirojektoota Misoomaa Naannichaa ilaalchisuun Ibsa kennaniiru.

Ibsa isaaniin, motummaan Naannichaa  bara baajatichaatti nageenya amansiisaa buusuun  Cinatti  hojiilee bu’uuraalee misoomaa bal’inaan hojjechaa jira jedhaniiru. 

 Nageenya Amansiisaa buusuu ilaachisee Hawaasa Hirmaachisuun  hojii hojjetameen nagaa fi tas-gabbii mirkaneessuun danda’ameera jedhaniiru.

Nageenya argameef uummataa galateeffachuun, Nageenya jabeessuuf hojiiwwan hafan cimanii  ittifufu jechuun hubachuusaniiru. 

Nageenya argameen Hojiiwwan Misoomaa Hawaasa Fayyadamaa taassisan haala ittifufinsa qabuun hojjetamuu danda’uu ibsaniiru.

Mootummaan Naannichaa  hojiiwwan bu’uuraalee misoomaa  haala Walfakkaataa Ta’een qulqullinaa fi saffisaan akka raawwatamaniif xiyyeeffannoo addaan hojjetamaa turuu ibsaniiru.  

Bara baajtichaatti gaaffii bulchiinsa gaarii hawaasaa ta’uun kan turan hojiiwwan pirojektiin Daandii, Bishaanii, Mana Barnootaa fi Fayyaa  bal’inaan raawwatamaniiru jedhaniiru .

Bara baajatichaatti baasii  birrrii  biiliyoona 200 oliin  pirojektoonni bu’uuraalee misoomaa  kuma 34 ol hojjetaa turuu ibsaniiruu.

Pirojeektota Kana keessaa dhibbentaa 73 kan ta’aa hirmaannaa hawaasaan kan raawwataman yoo ta’u  kanneen  hafan Mootummaa fi deeggartoota biroon kan raawwataman ta’uu kaasaniiru. 

Pirojektoota bu’uuraalee misoomaa ijaarsarra jiran keessaa  kuma 27 ijaarsi isaanii raawwatamee eebbaaf qophaa’uu  beeksisaniiru.

Naannichatti pirojektoota hirmaannaa hawaasan raawwataman keessaa  kuma 11 Mana Jireenyaa Barsiisotaa, kuma 4  Mana Barumsaa Idileen duraa,  fi  800  Mana Barumsaa Sadarkaa 1ffaan akka  argaman isaniiru. 

Dabalataanis Fooya’insa Sadarakaa Manneen Barnootaa  bakeewwan oolmaa Daa’immanii fi  daa’imman itti taphataan akkasumas, hojiiwwan suphaa daandii fi ijaarsa riqichaa    hirmaannaa hawaasaan raawwatamaa jiraachuu ibsaniiru.  

Walumaa Gala Hojiileen Nagaa Cimsuu fi Misooma Saffisiisuu Mootumaan naannichaa Jalqabe Caalaatti Nicimu Jedhaniiru.

Gutummaan hojii nageenya cimsuu fi misooma saffisiisuu eegalame caalaatti ni cimu jedhaniiru.