Dursaan liigichaa Madin Itiyoophiyaan Buna Sidaamaa waliin Nitaphata

Caamsaa 20/2017(TOI)- Sagantaan piriimerliigii Itiyoophiyaa Torban 32ffaa har’aa eegalee gaggeeffama. 

Taphni  Marsaa jalqabaa dursaan garichaa Madin Itiyoophiyaan  Buna Sidaamaa  Waliin guyyaa sa’aatii 9:00tti Istaadiyeemii Yuunversiitii Saayinsii fi Teekinooloojii Adaamaatti   gaggeeffama.

 Madin Itiyoophiyaan  qabxii 60n  liigicha yeroo dursu  Bunni Sidaamaa qabxii 46n  sadarkaa 4ffaa irratti argama. 

Madin Itiyoophiyaan yoo injifate garaagarummaa qabxii Buna Itiyoophiyaa waliin qabu  gara sagaliitti ol  guddisa. 

Tapha liigichaa saddet darbanitti  Kan hinMo’amne  Bunni sidaamaa yoo injifate  daandii  injifannootiin akka itti fufu  taassisa.

Tapha  kilabootaa lamaaniin  dorgommiin walgitu  Nidaawwatama jedhameetu eegama.

 Galgala sa’aatii 12:00tti Magaalan Baahir Daar Magaalaa Arbaa Minici waliin Nitaphata. 

Magaalaan Baahir Daar  qabxii 48n  sadarkaa 3ffaa irratti yoo argamu,  magaalaan Arbaa Minici qabxii  36n  sadarkaa 13ffaa irra Jiraa.

Tapha liigichaa sadii darbanitti injifachuu kan hin dandeenye Magaalaan Baahirdaar  tapha guyyaa Har’aa yoo mo’ate   gara   injifannootti deebi’a.

Liigichatti erga Mo’atee baatii lama  kan lakkoofsise Magaalaan Arbaa Minici injifannicha akka jalqabaatti fayyadamuu  isa dandeessisa.

Sagantaa torban 32ffaan  hanga Caamsaa 23 bara 2017tti tura.