Shaampiyoonaan Atileetiksii Itiyoophiyaa Waggaa 20 Gadii 13ffan Dirree Dawaatti Eeglame

Caamsaa 18/2017(TOI- Shaampiyoonaan Atileetiksii Itiyoophiyaa Waggaa 20 Gadii 13ffaan fi Waggaa 18 Gadii 4ffaan dargaggoonni bakka buutonni Kuma 1 fi 190 irratti hirmaatan Har’a Dirree Dawaatti Eeglameera.

Shaampiyoonaan Atileetiksii Itiyoophiyaa Waggaa 20 Gadii 13ffaan fi Waggaa 18 Gadii 4ffaa Har’a Istaadiyeemii Idil Addunyaa Dirree Dawaatti Eegalamerratti Atileetonni Dargaggoon Bakka Buutonni Kuma 1 fi 190  ol hirmaataniiru.

Dorgommiin Kun Banamee Dorgommiin xumuraa Fiigichi Gufachiisaa Dubartootaa Meetira Kuma Sadii Waggaa 20 Gadii, Utaalchoo Olka’iinsaa Dhiiraa Waggaa 20 Gadii fi  Darbannaan Eeboo Dubartootaa Waggaa 20 Gadii Adeemsifameera.

Dabalataanis Dorgommiin Fiigichaa Meetira 800 Daa’imman Oldeemtonni Manneen Barnootaa Dirree Dawaa, Gooroo Fi Buttujjii Akkasumas Maariyaam Safaritti Leenji’anii Adeemsifameera.

Pirezidaantiin Federeeshinii Atileetiksii Itiyoophiyaa Atileet Komandar Silashii Sihin Atileetota Daa’immanii Dorgommicha Mo’ataniif Meedaaliyaa fi Badhaasa kennaniiru.

Shaampiyoonaan Biyyaalessaa Har’a Jalqabame Kun Bakka Buutota Addunyaarratti Biyya Waamsisan Horachuuf ta’uu ibsaniiru.

Atileetonni Shaampiyoonaa Kanarratti Filataman Dorgommii Ardii Afriikaa Adoolessa bara 2017 Naayijeeriyaatti Adeemsifamurratti Akka Hirmaatan Dubbataniiru.

Dorgommiin kun Amma Caamsaa 24 Bara 2017tti Akka Turu Beekameera.