Kontinentaal tuur Kirooshiyaatti adeemsifameen Atileetonni Itiyoophjiyaa mo’atan

Caamsaa 17/2017(TOI)- Kontinentaal tuur Kirooshiyaatti adeemsifameen Atileetonni Itiyoophjiyaa mo’ataniiru.

Meetira kuma 1 fi 500 dubartootaan Atileet Gudaaf Tsaggaayi sa’aatii saffisa galmeessisuun tokkoffaa bahuun xumurteetti.

Dorgommii kana xumuruuf daqiiqaa 3 sakondii 58 maayikiroo sakondii 58 xumuruushee federeeshiniin Atileetiksii Itiyoophiyaa beeksiseera.

Atileet Birqee Hayyaloom daqiiqaa 3 sakondii 59 maayikiroo sakondii 19n xumuruun lammaffaa yoo baatu Atileet Saamiraawit Mulugeetaa jahaffaa bahuun xumurteetti.

Meetira kuma 5 dhiiraan Atileet Biiniyaam Mahaarii daqiiqaa 13 sakondii 03 maayikiroo sakondii 57n xumuruun sadaffaa bahuusaa odeeffannoon federeeshinichaa nimul’isa.